يا أختي الله يعطيك العافيه أنت أهتمي بأشياء ثانيه تسليك مثل ماقالوالك الأخوات وإذا جيت تبغي تسولفي معه خلي سوالفك بالمواضيع إللي يحبها زوجك حتى لو هي الكوره والإالسيارات وإلا الجوالات وإلا الأخبار شوفي زوجك وش هوايته وسايريه وتعلمي عنها وأفهميها وناقشيه فيها قوي معلوماتك بشئ إللي يحبه
بعد فتره تلاقينه مايقدر يستغني عنك أبد
لوجيتي جلستي معه إعتبري نفسك صديقه وإنسي إنك زوجته وهيئ له مكان الجلسه والقهوه والحلا والشاي
والمكسرات ولاتخلون جلستكم بالبيت
في مكان واحد غيري مره بالصاله مره بالمجلس مره بالحوش مره بغرفة النوم
بالنسبه إنه مايناظرك وأنتي تسولفي أنت جربي جيبي له سالفه وتكلمي إلين توصلين للجزء المهم وهنا وقفي السالفه إن لفت إنتباهه لك وقال أيوه واصلي وش صار بعد إعرفي إنه مهتم
بكلامك وسوالفك بس عدم مناظرته لك وأنتي تحكين السالفه هذا طبع عنده تعود عليه ومومعناته إنه غير مهتم ولاشئ لاكن أنت جربي وشوفي النتيجه
بالنسبه للرجل يحتاج وقت شئ أكيد لأنه حنا الحريم جالسين بالبيت ننام ونصحي لواجباتنا متى ماصحينالاكن هم يتعبوا في الحياة أكثر منا بالذات إن الواحد يطلع من الصباح مايجي إلا متأخر ويجي تعبان هلكان فيحتاج فتره من الوقت يفكر فيها ويصفى ذهنه من الأشياء إللي تشغل تفكيره بالنسبه لزيارة أهلك صراحه ما أدري بعض الرجال يختلفوا عن بعض أنا أهلي تبعد منطقتهم عنا ألفين كيلو بالسياره ما أروح لهم إلا وقت الإجازات السنويه وحتى لوسافرت لازم زوجي معي نروح نقضيها شهر ونرجع مع بعض مايخلينا عندهم لحالنا مايرضي أبد وأهله كمان موجودين بمنطقة أهلي لاكن سوا عند أهلي أوعند أهله لازق معنا مسمار وين مارحنا والرجال تختلف بطبايعها ماهي سوى أنت أتركي له مساحه وخليه علا راحته بس بيتك لاتتركيه أبد بيتك أحسن لك و لعيالك وبعض الأهالي هداهم الله كذا مايحبون إزعاج الأطفال بالذات إذاماكان
عندهم أطفال تلقينهم متعودين على الهدوء في البيت وأنت تعرفي شغلة الأطفال أفضل شئ إنك تجلسي في بيتك ماتروحي لهم إلا لضروره أنت أبعدي عن زوجك شوي أشغلي نفسك بأي شئ مفيد وسلي نفسك مع جاراتك تواصلي معهم نضموا زيارات فيمابينكم وشوفي حينها كيف يتغير أبو الشباب ويرجع يدور عليك ويشتاق لك ولجلساتك وسوالفك
أتمنى إني أفدتك ولو بشئ بسيط وتقبلي تحياتي .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله