المشاركة الأصلية كتبت بواسطة نــور الإيـمـان
حبيبتي جرين لو عرف السبب بطل العجب ... ابنك عارف شو الحرام والحلال وعارف الجنة والنار يعني بالمختصر انخنق وهرب من الحصار وهذا سبب انه لجئ لخطيبته وامها لانه وجد عندهم كل شي مسموح يعني جو مغاير تماما لجو البيت عندكم هما دخلو لالو من مدخل الاشياء ياللي بحبها اعطوه كل شي بيحلم بيه ومحتاجه.... كلام حلو حرية اشياء محروم منها سمحوا بها عاطفة اهتمام اعطوه الثقة يعني بيتركوه لوحده معها
كلامك مه ميه ولكن اثنان مخطوبين كيف يجلسو مع بعض في بيت واحد ما ارضاها ابني وقت خطب فرحت به كثيرا وقلت الحمد لله اختار الطريق الصح وشجعته ولكن ما توصل الامور للتدخين ولوحدهم بالبيت
هالاشياء هاي كلها هو مفتقدها
لحتى تكسبيه ابتعدي عن الوعظ والصح والخطأ والحلال والحرام والامراض وكل هالكلام لانه تشبع بيه وعرفه ومل منه ولانه بحسسو انه في نظرك لساتو طفل صغير وجاهل وما بيعرف شي ولان الشباب بيكرهو انه ست تنصحهم حتى لو كانت امه
كان بالبدايه يتقبل وبفرح وينصح اصحابو ولكن حاليا ~آآآآخ
تصرفي متل ما بتتصرف حماته وبنتها
ما اقدر صعب هناك اخطاء كثيره لازم تتصلح
خلي قعدتك معه والوقت اللي بقضيه معك في البيت كله فرفشة وانبساط وضحك وحسسيه انك واثقة فيه وادخلي لإلو من الاشيا اللي بحبها
شو بحب متلا .. كرة القدم اعزميه هو وخطيبته في يوم على المباراة في التلفزيون وجهزي اكل بحبه وخليهم يقعدو قدامك وينبسطو واضحكي معاهم وقضي وقت حلو وهيك بيكونو قدام عينك
اكسبي ابنك لصفك وشوفي شو بتعملو حماتو واعمليه
كل اللي كتبتيه اعملو حتى حماتو تاكل من اكلي ومبسوطه
قوليلو انت هلا رجال وبعتمد عليك والرجال المسؤل عن بيت وخطيبة بنظم وقته خبريه خلي زيارة خطيبتك مرة في الاسبوع بالكتير والافضل تكون عندنا بس ماتكون بصيغة الامر تحايلي عليه قولي لحتى ما تمل منك البنات بملو بسرعة وبحبو الشب الثقيل حسسيه انك بتحبي خطيبته وبدك تعطيه افكار لحتى يكسب قلبها وحبها هيك يعني ما تقولي لاني خايفة عليك تغلط او شي بس قولي بحب اشوفكم مع بعض قدامي بنبسط فيك
والله احبها وادللها ولكن اللي عم يصير زياده اكثر من 14 ساعه مع بعض
موضوع الارجيلة لانه حس انه صار رجال ومسؤل عن زوجة وهيك اشيا .... انتي حسسيه بانه رجل بغير طريقة وكرهيه بالارجيلة قولي انت ماشاء الله متل القمر بس ملاحظة اسنانك كانهم صارو اغمق من قبل وهذا هيخلي خطيبتك ما ترتاح الك او انت تمام بس كاني ملاحظة ريحة نفسك تغيرت انت بتأرجل كتير وهيك متلا ما تتكلمي عن اضرارها وشو بتعمل لانه عارف بس بحس برجولته وقت يأرجل ولو حس برجولته في تصرفاتكم معو راح يتركها لوحده
ناطره يشتغل اذا الله راد يبدا ثاني يوم العيد والامل بالله انو يتركها
خليكي هادية تماما قدام اهل خطيبته لان عصبيتك يعني انك اعترفتي انهم سحبوه منك وما بقى عندك اي اسلحة لحتى ترجعيه وهذا بيزيدهم قوة وعند واصرار على اخدو منك بالعكس حسسيها انك بتحبيها وانها افضل زوجة لابنك خليها هي وامها تطمن لانه كل ممنوع مرغوب الان بيصيرو يحبو يقابلو بعض من ورا اهلهم لان كل ممنوع مرغوب لكن لو انتي موافقة وراضية صدقيني راح تقولو تعى لعنا راح يرد عليها مش فاضي لانك ببساطة سامحة لالو وموافقة
عارفة ان كلامي صعب بس هذا الحل طالما اهلها هيك مو فارقة معهم شي
كل اللي كتبتيه اعملو واكثر وادللها واغنجها ووقت تتغنج اقول لها لايق عليكي واحتار شو اعمل هو ابني الوحيد وتهمني سعادته بما يرضي الله
ونصيحة اياكم والصراخ والتهديد معه لانه راح يقارن بين معاملتكم ومعاملة اهل خطيبته وراح تخلوه يروحلهم على طبق من ذهب بدون ما تحسو انا عارفة ان قلب الام ما بيطاوعها بس لحتى تكسبيه كوني اقوى منهم بالحيلة
لي رجعة ان شاء الله
|