والله قلبي يعورني
صح هو عنده بيت قائم على اسرة واولاد وحتى لو طلقني وش خسران
انا الي خسرانة بطلق وقلبي مذبوح ولاعندي اولاد ولا عندي حتى استعداد اتزوج من اخر وخاصا اني ماراح اعطي اكثر من الي عطيته ..الي بيتزوجني بيكون ضحية جرح قلبي ولا ابي اظلم احد الي فيني كافيني
وكل مرة يقولي وش معنى الاولى ماتتكلم وش معنى الاولى تسوي كذا
هي صارت ذكية على حسابي لانها الان صايرة تسحبه عندها ووقع الفاس بالراس والي صار صار وتزوج عليها مالها الا الذكاء الان وكل ماصارت مشكلة يلجا لها وكم مرة طلع بيومي وراح كمل نومه هناك
مرة الفجر قام صلى وكان حدث بيني وبينه شد بالكلام ومن المسجد على بيته الاول
مرة ساعة ساعتين قلت وين راح هذا ليش مارجع ادق عليه مايرد ماكنت اعلم انه بيكمل نومه هناك
والله ماجات الساعة 8 الصباح الا وانا بالمستشفى انخفظ ضغطي وكنت بموت ووجهي صار اصفر مثل الجدار
ولما صحى من النوم جاني قالي وش ذا توصلين المستشفى عشان رحت كملت نومي هناك؟؟
قالي انا اروح انام هناك في سيتن دهية ترى مافي شى يستاهل والله انصدمت قلت له يعني انت ماتستاهل؟؟ ومرة يقولي احد اصاحبه قاله زوجتك تحبك كثير ومتعلقة فيك ولاقدر الله مت يمكن يتفقد عقلها ولا تموت بعدك ....وجاني يقولي لا تتعلقي فيني اكثر ماهو كويس .............حطيت اللف علامات استفهام فوق راسي
عموما الله يهديه ويفهمني ويحس فيني ويرزقني منه ولد صالح هذا اذا رجع لي يعوضني حنانه

__________________