احمد الله الذي عوضك
ولاتتحسف على وحده تخلت عنك بسهوله ومن غير سبب واضح اومقنع
بعدين كيف ترجعها وهي انانيه وناكره المعروف وكذابه وبعدين الكذب يجر صفات سيئه كثيره
وبعدين باين ان الفجوه اللي بينك وبين اهل طليقتك هي السبب
لانها وصدقني شكلها هي اللي غايره من زوجة اخوك بسب تفكير اهلك لخطبتهالك وتسبب مشاحنات من غيرتها وهي شكلها انانيه بطبعها ماتحب الانفسها
ولماشافت اهلها والناس يلومنها لانها تركتك صارت تظلمك وتتهمك باشياء انت ماسويتها عشان تطلع قدام الناس مظلومه وتبرر لانها تحب نفسها اكثر من اي شي قالت اطلعه هو الغلطان وكانت واثقه من حبك لها قالت مايصبر اكيد يرجعني وتطلع هي الصابر على سوءك
لكنها غبيه ماحسبت حساب ان اهلها بيصدقونها وتطلع على راسه
طبعا اهلها صدقوا كذبها وحبوا ينتقمو لكرامتها ويذلوك باي طريق وانت لو تجيك اختك اوبنتك تشكي من ظلم زوجها بطريقه مقنعه بتصدقها وتنتقم لها فلاتلوم اهلها لانك قلت كانوا يستقبلوك زين واخوها خاف على زعلك ولحق بك وقال يصير خير لكن لما اقنعتهم بكذبها صدقوها وكرهوك
انا شفت من طليقي بلاوي لكن ماشكيت لاهلي بس طلبت الطلاق
وعطيته كل مااملك حتى ذهبي ولاطلبت منه ولاشي وكان خواني بيطالبونه باللي اخذه مني ويبون يبهدلونه لكني رفضت وقلت انا مسامحته وبس امدح فيه كله لاني احبه ومابي سمعته تدهور لدرجة انه لسى متصاحب مع بعض خواني ويجبونه
فلو كانت تحبك ماشوهت سمعتك وطلبت الطلاق وهي متاكده من حبك
اما زوجتك الثانيه
بنصحك عامل الناس كماتحب ايعاملوك
وعشان تنسى الاولى وتحب الثانيه دايما كلمها بايعمري وحياتي وكلام حلو مع الوقت بتحبها من قلب كثير جربوها حبو الطرف الثاني سمعتها من دكتور نفسي
وكون معها ذكريات حلوه مثل سافر معها بلد ثاني واقعدو فيه فتره حتى لو تركت البنات عند اهلك احتفل انت وياها بمناسباتكم الحلوه والتقطوا لها صور تذكركم فيها مع الوقت بتنسى ايام طليقتك
واتق الله في زوجتك الجديده
وبالنسبه لغيرة طليقتك لماتزوجت فهي
معتبرتك كفستان تكره تشوف وحده ثانيه لابسته حسد ودها يبقى مرمي بالدولاب ولا تشوف اجد كاشخ فيه
وبالنسبه لامك اتقوعها تحبك وتموت فيك فانت البكر اول فرحو لها فلا تصدق انه تفضل احد على احد بس هي شكلها تعامل زوجات اولاده بالمثل فاللي تعاملها زين ترد لعانفس المعامله والعكس
والزم رضى امك اذا تبي الخير وتنطر من بناتك بر واسفه طولت