أكتشفت من سجل محادثاتها أنها على علاقة مع بنت
السلام عليكم أخواني وأخواتي وكل عام وأنتم بخير ...........
لو سمحتوا أنا في هم كبير ولا أعرف أتصرف والسبب بنت أخوي الله يهديعا ويهدي أولاد المسلمين
أول أمس أكتشفت بالصدفة من سجل محادثاتها أنها على علاقة في بنت في المدرسة وهذي الظاهرة صارت منتشرة واااايد في المدارس لدرجة في وحده من البننات تسألها شو أخبار حبج وشو مسوين مع بعض تخيلوا حتى زميلاتها يعرفون وعادي كل وحدة وعندها حبيبة ........... بصراحة أنصدمت لما قرأت الكلام حب شوق وآهات وأموووح وأحبج وأشتقت لج وأعشقج وأموووووووووووت فيج وفي وحده من المحادثات وفي وحدة من المحاداثات بنت أخوي تقول حق البنت روحي الغرفة والبنت تقولها شو بتسوين فيني وهذي تقولها بسدحج وبيي فوقج وببوسج وباكلج وبشربج ........ أنا آسفة أني أكتب لكم هذا الكلام والله مستحية بس حبيت تعرفون شوى الكلام اللي يدور بينهم والمشكلة بنت أخوي بنوته وتهتم بجمالها ودلوعة يعني ما يبين عليها أنها بوية بس قاصه شعرها واااايد قصير وشويه دفاشة وأسلوبها بعد في الكلام دفش وشخصيتها عنيدة والبنت تعيش عندنا بحكم طلاق واليها وكانت عايشة عند أمها لين 12 وبعدها جابها أخوي عندنا لان أمها مهملة فيها وبعد زوجة أخوي رافضة أنها تعيش عندها في البيت وأنا من الاساس تعبانة معاها ما تسمع كلامي ودايما حارقة أعصابي يعني زيدت همي هم وأتحمل لاني عارفة ما في مكان تروحله وأقول حرام لاوم اتحمل شو أسوي لين تكبر بس بصراحة بعد اللي أكتشفته صعب أسكت والمشكلة أبوها عصبي وأخوانها بعد وعمها نفس الشي مدلعينها بس ما يسكتون لها على الغلط والله أنا في حيرة ومن عرفت أنا ما أحب أشوف وجهها وهي حاسه وتقول أنتي ليش ما طالعيني ولا تكلميني وكأنك كارهتني أنا سويت شي وأنا ما أدري والله أخاف على أخوي من الصدمة وفي نفس الوقت أخاف أخرب من بينهم وأنا اذا حاولت أحل الموضوع بيني وبينها أخاف تتمادى لانها أساسا ما تخاف مني ولا تحترمني واااايد بس حبني .......... شوروا علي جزاكم الله خير ...........
التعديل الأخير تم بواسطة وردة بين الثلوج ; 21-11-2010 الساعة 11:17 AM