ربنا يهديها لايضيق صدرك
من خلال تدريسي واحتكاكي بهالفئة من العمر هذا الموضوع عادي وبسيط مقارنة بما هو اكبر وبعطيكي حيلة جربتها من قبل اول شيء فيه بنات اذا عرفوا اهلهم وهاوشوهم يزيدون الحل زي ماقالوا تنقلينها من المدرسة وتقولين لها المدرسة اليوم كلمتني والافضل تجين تاخذينها من المدرسة يوم وتقولين لها الي سوته بس ماتقولين سالفة الماسنجر علشان اذا قلتي سالفة الماسنجر بتصير اكثر حرصاً ودقة وماراح تقدرين تمسكين عليها شيء وكذا يصير اصعب وتقولين المدرسة اليوم استدعوني وقالوا ضبطنا مجموعة بنات يحبون بعض ومنهم بنتكم والمشرفة الاجتماعية الي ناقشتنا بالموضوع وتفشلت وانصدمت بس مو علشاني بس خفت عليك من هذول البنات لاني اعتبرك بنتي وووو وتهاوشت مع المديرة علشانك لاني مااصدق انك تسوين هالحركات عصبت المديرة واعطتني ملفك قلت طز فيها انا واثقة في بنتنا ونقلتك مدرسة ثانيةعلشان اثبتلها انك مالك علاقة باحد وبعدها ضميها لمكان صالح فيه بنات يحبون الفرفشة مع الدين يعني فيه دار للناشئة بهالاعمار يرفهونهم ويطلعونهم ومايضيقون عليهم باللبس ويسولهم برامج ومخيمات جداً متميزة منها حفظ اجزاء من القران قوليلها عجبني البنوتات هناك قلت بسجلك ترم وش رايك ولو ماعجبك بطلعك براحتك بس انا ودي انك تكونين هناك علشان افتخر فيك واحضر حفلاتك اكشخ فيك ولو انتي في الرياض اعطيتك اسم دور مناسبة وتراها جداً ينقصها احتياج عاطفي حاولي تطلعين معها وتتمشون سوا وووو انتي عاد ادرى بها والشعر حاولي تقولين لها تطوله بعدين تقصه قصير من باب التغيير بتشوفينها تتجاوب الفتي نظرها لانوثتها شاركيها افكارها والعبي معها وسوي اشياء هي تحبها حتى لو كانت غلط بس مو كبير لاتدققين والله يعينك الموضوع يحتاج سعة بال وصدر واسع قبلها استعيني بالله وادعيه انه يساعدك وتوكلي على الله محتسبة الاجر والله يرزقك اجرها ... رجعتيني ست سنوات لوراء لما درست بنات ثالث متوسط واول ثانوي كنت بموت من الي اشوفه واسمعه بس بالنية الصادقة ودعاء الله لهم والله ربي يسرها ,,,
__________________
((رب اجعلني مباركا حيثما كنت.))
التعديل الأخير تم بواسطة أبلة جوجو ; 18-11-2010 الساعة 08:33 PM
السبب: اخطاء املائية