للاسف .. انفصلت عن خطيبتي !!
السلام عليكم
سبق ان طرحت موضوع .. عن علاقتي بخطيبتي والشكووك الي راودتني عنها من انها
تتعذر بانشغالها الدايم بحجة اننا لسا ماملكنا ! وانها في اول يومين بنتعرف على بعض تقولي ماعندي رصييد!! انا شكيت
بس قلت عادي ياولد لا تسير شكاك
والله ويقدر ربي اصلي العشاء واصلي بعدها الاستخارة
وقلت ياربي لو فيها خير سخرها ليا ولو فيها شر اصرفها عني
المهم رجعت البيت
ولقيتها ع المسن
سبحان الله وبدون مقدمات دخلت هيا عرض في الموضوع والله بدون ماسالها
قالت انا مابي اظلمك معاي
قلت خير ؟؟؟
قالت باقولك شي صح مرررا يزعل بس اتمنى تتفهم موقفي
قلت اتفضلي ؟
قالت .. انا اتعرفت على واحد وكنت على علاقة معاه
قلت كيف اتعرفتي عليه !!
قالت رقمني في السوق !!!!!!!!!!
قلت طيب وفترة علاقتكم؟؟
قالت يمكن سنة لنا نتكلم جوال ومسن
اممم ومتى اخر مرة كلمتيه ؟
قالت بعد الشوفة كلمته وقلت خلاص انا انخطبت ولاعاد تتصل
حسبي الله ونعم الوكيل
انا انهرررت وجلست ابكي بس ماقول الا الحمدلله انو ربي بصرررني
طبعا جلست تقول سامحني وانا غلطانة ومدري ايش
والله لو سترت على نفسها ماكنت حاسال وعفا الله عما سلف
بس ليش تقووولي ؟؟؟ سبحان الي انطقها
الي يقولي سامحها وكدا .. فانا مو جي اسال اسامحها ولا لا .. لاني اتخذت قراري
ربي غفور ورحيم لو تابت واخلصت
بس يعني حنعيش في عذاب الشك طول عمرنا ليييش ؟؟ حرام اظلمها معاي وانا عارف شخصيتي غيوور
عشان كدا كلمت الوالدة على انو مافي نصيب بحجة اني مو مرتاح للبنت والله يسترها ويعطيها الي احسن مني