اقتباس:
المشاركة الأصلية كتبت بواسطة sultanooh
بخصوص الحمل ممكن والله أعلم تكون عين أو سحر ولاتستبعدي هذا الشيء
فيه حرمة كل ماتحمل تجهض يوم انها ولدت وطلع مو ميت كانت هي الضحية لانها توفت بعد كم يوم
وكان واضح ان اللي فيها مرض روحي عين او مس او سحر
وقد لايكون ذلك ولكن أرقي نفسك احتياط وفيه حريم لمن بيطلع المولود
يشغلون لها رقية في غرفة العمليات علشان المولود يطلع واحيان مايطلع سليم وحتى الرقية شغالة
.........................
أما بخصوص الشيء الثاني
وهو تعامل زوجك معه
فأنتي متحسسه من موضوع الحمل يعني متحسسه من المستقبل
واللي يشيل هم المستقبل بسرعة نفسيته تنقلب ومايتحمل أي شيء
تعامل زوجك رغم إنه قد يكون غير رائع إلا إنه يعد طبيعي لأن اغلب الرجال كذا
كل الرجال تقريباً مثله إلا ماندر وأتوقع انه افضل من غيره
يكفي إنه ماضربك ولا شوه سمعتك قدام الناس يعني تبقى مشاكل داخلية تروح وتجي وتمسحها الرياح
..............
لابد من ان تعرفي بأنك في تحدي شريف مع الصبر اذا طلبتي الطلاق فالصبر انتصر عليك
قرار طلبك للطلاق صفر من مية لان اذا تطلقتي ماراح تلقي زوج ملاك
......................
خلاصة الرد
الصبر والرقية والدعاء
|
الرقية الحمد لله أرقي
أما اسلوب زوجي
قد يكون مثل ماتفضلت الاغلب كذا
بس مافيه احد يرضى على نفسه الغلط خصوصا مع قلة الحيلة
يعني مثلا
بعد صلاة العيد أكلت تهزيئة محترمة بسبب ان الخطيب طول وهو طلع من المسجد قبل يخلص طبعا انا مادريت لأن جوالي ع الصامت فأكلتها علقة
وقتها مااقدر اتكلم بيزود علي العيار والدموع ممنوع لأني اصير حساسة ومانضجت وابوي مستحيل توصله هالفعايل وهو عارف لأني أحب احافظ على صورة لنا شبه مثالية عند ابوي
بلعتها كالعادة بس من وقتها وانا مالي نفس اجلس معه
يارب تهديه
وترزقنا من فضلك عمن سواك
اقتباس:
|
فأنتي متحسسه من موضوع الحمل يعني متحسسه من المستقبل
|
هذي فعلا حطيت يدك ع الجرح
انا احس اني مااقدر املا عينه لو اقطع روحي
اللي متزوجين معنا معهم 4 أو 3 ع الاقل
وزوجي امنيته يملا البيت بالاطفال
وانا عجزت
ولا حول ولاقوة الا بالله