لا حبيبتي ليست عامه على كل الازواج ...
قرأت في كتاب ... ان الزوج يتضايق احيانا من كثرة تشكي الزوجه من التعب والمرض ..مثلا طول الوقت تقول : راسي
يعورني ... ظهري يعورني ... بطني يعورني ... انا تعبانه ... انا هلكانه ...
وهو لا يقصد انه يبيها متعافيه طول الوقت او يتضايق من مرضها لانه هذا امر الله ولكن يتضايق من كثر التشكي ...
فتتأثر علاقتهم فمثلا : اذا يبي يسولف معاها وهي تشتكي من راسها طول الوقت بيتجنب الكلام معاها لانها تعبانه
او احيانا الزوج لا يحب ان تتحجج الزوجه دائما بالتعب والمرض علشان ما تقوم بواجباتها ... لان فعلا بعض الزوجات يتصرفن
بهذه الطريقه ...وفي من الزوجات تدعي المرض والتعب لترى معزتها ومكانتها عند زوجها يعني بيهتم ولا لأ ...وفي من
الزوجات تردد عبارة : انا تعبانه او راسي يعورني دائما ... فهذه اصبحت مثل العاده ولو هي متعافيه ..

اذكر امي الله يرحمها ويغفر لها كانت تعاني من الصداع اغلب الاوقات وتربط راسها ....فإذا سمعت صوت سيارة ابوي رحمة
الله عليه ... تشيل الربطه قبل لا يدخل البيت ... راقبتها كذا مرة وبعدين سألتها ليش تسوين جذي ؟؟؟ قالت : لان ابوك اذا
شافني جذي ما بيقعد يسولف معاي علشان ما يعور راسي زيادة ... وما ابيه يحاتي وينشغل باله علي ..

وبالنسبة لي انا مريضة سكر ... واتعب بعض الاوقات وامرض ... فلا يعرف زوجي اني مريضة الا اذا طحت على الفراش
بالتالي ما يقصر معاي من عنايه واهتمام ... ولكن عمري ما اشتكي من شيء لان عرفت ان المرض يمحي الذنوب والصبر
على المرض دون ان اشتكي منه يكسبني الاجر ... وأيضا ما احب اشغل باله علي ... والحمد لله

هذا رأيي من اللي فهمته من موضوعك حبيبتي ... وموضوعك كالعادة رائع بروعتك حبوبه ... الله يسعدك ويوفقك ..