المرأه ماهي حديد علشان ماتمرض حتى مكينة السياره تتعطل وهيه حديد
وحنا بشر من لحم ودم وشوفي فعلا بعض الأزواج يبغاها علا طول بكامل لياقتها البدنيه وهو حظرته مسموح يقول آه ظهري آه راسي يعورني وهي صعبه تشتكي عليه هاذا زوجها لوما أنتبه لزوجته ووقف معاها ساعة مرضها وتعبها وقام برعايتها مين بيوقف معها غيره بس بعض النسوان مثل ما قالت الأخت لمني بشوق كثيرين الشكوى وبعضهم كسلانين يدعون المرض
علشان يتخلصوا من مسؤلية البيت والعيال وتحط المرض عذر وتتمارض قدام أبو الشباب لاكن مثل هاذي النوعيه من الحريم خلي زوجها يقول لها ياحرمه ترى أمراضك وشكاويك كثرت تراني من بكره بدور لي عن حرمة ثانيه علشان أنتي ترتاحي وتتعافي من أمراضك وبعدها شوفي طريحة الفراش كيف تتحول لغزال ينطنط من مكان لمكان وتلاقينها شعله من النشاط والحيويه
ولاكن يوجد صنف من الرجال لوزوجته
قالت آه يراسي تلاقين الأكل ماعاد يذلف حلقه وتلاقينه عند راسها وكمادات ومساجات وتلقينه ماعاد يطلع من البيت إلا لضروره لأن بعض الرجال يمتلك قلب والقلب هاذا ملئ بالحب والرحمه وتلاقينه بعد إذا جتها ولاده وتعبت وسمع صوتها يتأثر جدا أنا أذكر تعبت في ولادة واحد من أولادي وكانت ولاده متعسره بشكل صعب كانت تستدعي عمليه قيصريه بس الحمدالله الله قدر ولطف كان زوجي وقتها خايف ومهموم وشفت الدموع بعيونه وأستدعى الدكتوره المشرفه علا ولادتي وقال لها شوفي أنتم تصرفوا بسرعه زوجتي لها يومين عندها طلق ولاده وأنتم جالسين ماسويتوا شئ لها للآن قالت له بنسوي لها عمليه أو نسحبه بجهاز من راسه لان نبض قلبه ضعيف قال لها عمليه لا مستحيل حتى لوفقدت الطفل أهم شئ أمه تطلع بخير وسلامه وسحبته الدكتوره بجهاز بعد ما أخذت تحليل من راسه بس تتأكد إذا كان الطفل عايش أو متوفي والحمدالله طلع بخير وسلامه بس كان دقات قلبه غير منتظمه حطوه بالعنايه الفائقه واليوم الحمدالله يدرس صف سادس إبتدائي بس زوجي تعقد من دخول غرفة الولاده خلاص قال أنا لوأدخل معاك بتلاقيني جنبك علا السرير الثاني وأصلا أنا من أول حملي حتى نهايته تعب أول شئ الوحم ثلاثه شهور مطبخي ما أعرف وين بابه
وممنوعه شيل الثقيل وطلوع ونزول الدرج
لأنه يصير معي نزيف دم وزوجي ماشاءالله عليه الله يعطيه العافيه مايقصر بشئ في البيت من غسيل وطبخ وترتيب وإهتمام في العيال رغم عمله المتعب والمجهد وبسبب حملي يمنع الأطباء أحيانا علاقتنا الخاصه لبضعة أشهر أنا وزوجي بس صابر قلت له أنت تبغى عيال عاد إصبر وتحمل إللي أنت فيه أحيانا يكون تعبان يجيب من برى أكل أو نطلع أي مطعم ناكل فيه
وحنا في منطقه بعيده عن أهلي وأهله
وبيجيب شغاله بس أنارافضتها ما أقدر أعيش في بيتي وعندي شخص غريب أحس إن حريتي تتقيد وأنا في بيتي بوجود الشغاله وماراح أرتاح بوجودها عندي والحمدالله عايشين وماشيه أمور الحياة أهم شئ التفاهم وترى أخلاق الرجال وتعاملهم ماهو سوى مع زوجاتهم بس أشوف الحرمه إللي زوجها قاسي ومايقدر ظرف مرضها وتعبها لوأنا مكانها حتى لوكحه بشربة مويه أتركه حتى يصحصح وبعدها أقوله الجزاء من جنس العمل حتى يبطل فلسفه علا راسي أعذريني أطلت عليك
أختي الغاليه أتمنا أن تكوني أسعد زوجه بزوجها ومشكوره علا هذا الموضوع.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله