عزيزتي الاهم من هذا كله
كيف وضع حسن عند ابوه
مبسوط؟ يلاقي العنايه والاهتمام ؟
يعني مطمئنه عليه وهو هناك؟
اذا كان ماينغص عليك الا شوقك له وتعودك عليه
فالام قلبها كبير تقدر تجي على نفسها عشان راحت اولادها
انا اولادي عند ابوهم
وبالرغم من ان حضانه البنت الصغيره ما زالت لي وبالرغم من ان عقل ابوهم صغير ويحاول باي طريقه يوصل لهم اني ام سيئه ولا احبهم ولا اهتم فيهم كفايه
الا اني ما عارضت لما اخذ البنت مع اخوها ولا يجيبهم غير ايام محدوده
عارفه ليه ؟ لاني ما اقدر ولا ارغب حرمانهم من ابوهم ولا ابيهم يكونون ضايعين بيننا (اقدر اخذهم بالقوه واكسر خشمه لو ابي لكن بيفش غله في اولادي او ابسط شيء بقاطعهم او ييتمهم وهو حي وهذا اللي هو قاعد يهدد الولد فيه)
الولد ضغط عليه لحد ما اختار يكون عنده بعد السبع سنوات والبنت تعبت نفسيتها لما افترقت عن اخوها
لكن في النهايه انا الكسبانه
لان اطفالي صار يجون لي بلهفه ويعرفون انهم بيحصلون كل اللي يبونه اذا جو عندي
كنت اقول لولدي قبل يكمل سبع سنوات وينتقل لابوه
انا يحبيبي احبك واتمنى انك تكون مبسوط ومرتاح وين ما كنت حتى لو كنت عند ابوك
صحيح باشتاق لك وباحزن لفراقك بس اذا تذكرت انك مبسوط ومرتاح ارتحت
حتى بعد ما راح اكرر عليه نفس الكلام عشان ما يجي يوم ويقول امي تخلت عني ونفس الشيء للبنت
الله يطمن قلبك على ولدك ولا يحرمك منه