منتدى عالم الأسرة والمجتمع - عرض مشاركة واحدة

24-11-2010, 09:22 PM

لسه في امل

عضو جديد

تاريخ التسجيل: Nov 2010

المشاركات: 10

خطيبتي بتجنني

السلام عليكم
كيفك جميعا

قبل 6 اشهر خطبت بنت عمي و واجهتني بعض المشاكل .. وعملت خطيبتي المستحيل ركزو المستحيل عشان تقرب وجهات النظر المختلفه والحمدلله اخيرا وافقوا
واثناء فتره المشاكل كانت بيني وبين خطيبتي رسايل لصبح .. وكانت تقولي : مستحيل انساك ، وماراح اتزوج بعدك ، وامانه لاتتركني ومن هذا الكلام ...
وبعد مانحلت المشاكل ماصرت اسمع الكلام هذا منها .. وماصار في أي اهتمام ..
واتفقنا اننا نبعد عن بعض الى ان نملك

وفعلا ملكنا قبل شهرين والحمدلله
لكن المشكله هيا هيا مافي اي اهتمام
وماتعرف تتعامل معايا .. ودائما يطلع منها كلام زي السم ويرفع الضغط ..

وانا والله مو مقصر معاها ابدا يعني مهتم فيها وادلعها واخذلها هدايا
واقول لها كلاام والله لو اني اكلم جدار كان حن عليا وحضني واعطاني بوسه كمان

الخلاصه
ان البنت مراهقه وشخصيتها صعبه وكلامها جاف جدا حتى مشاعرها محتفظه فيها لنفسها ..
وترمي كلاام يجيب المرض وياليت انها تسكت احسن لها ..
انا اتمنى انكم تنصحوني وتساعدوني اني اوصل لقلبها واعرف كيف اكسبها ..
لانو مهما كان هذي حبيبتي وزوجتي وبرضو مستحيل اني اتخلى عنها او اتركها والله لو فيها العنقز

..

وبالله لحد يقلي اثقــل .. لاني اخر مرا عصبت عليها
وبعدها باسبوعين تذكرتني وارسلت على جوالي كتبتلي (( وينك ))
كأن الرساله من امي تبغلها مشوار ..
انا ابغى شي اقوى من الثقاله