بصراحه أمرك عجيب وأسلوبك غريب أنت دللتها ودلعتها وولعتها أنت أهنت نفسك لها بتصرفاتك هاذي وين حقوق الزوج والقيام برعايته وواجباته إسمح لي يا أخي أعذرني ماقدرت أتحمل أنت ماتستحي من أهلك والناس وهم شايفينك شغاله ومربيه وسواق للمدام آسفه لوكلامي بيزعجك بس والله أحسها بحلقي وبقولها لك أنت السبب تركتها تذلك من أول
وتهين كرامتك وتنزل قيمتك زوجتك هاذي لاتستحق هاذي المعامله منك بطريقه هاذي الحرمه كبرت وشمخت معاها وحتى لو راضيتها ورجعتها وتميت تعاملها
بنفس الطريقه ماراح تتعدل إلا إذا أنت غيرت أسلوبك ومعاملتك لها وتعلمها وتشترط عليها من عند أهلها إنها تقوم
بواجباتها كزوجه وأم لطفلها بالنسبه للفلوس حدد مبلغ تعطيها إياه كل شهر مصروف شهري تصرفه هي حره فيه يخلص خلاص مالك دخل فيها إلا الشهر إللي عقبه مع الراتب تعطيها حسب الإتفاق إللي بينكم عند أهلها وقدام أبوها وإخوانها وأمها وباقي راتبك مالها شغل فيه ولو وديتها السوق تحاسب من مصروفها أنت مالك دخل خلاص تنفق حسب ميزانيتها هي ولاتزيد ولا ريال لو نقصت وقت الشراء خلها تتأدب وتعرف النعمه إللي كانت هي فيها وإذا عدلت أخلاقها وصارت سنعه تمشي سيدا ذاك الوقت أنت لاتقصر معها بس الحين حسسها بتعبك وأنت جالس تكد وتتعب
وتجيب راتبك وهي تطيره في إسبوع خلها تحس بقيمة الريال وتقدر تعبك وأنت ليش رفعت السكين عليها أخوي هاذي حرمه وش كبرها ماهي طفله تهددها بالسكين وش دخل سالفة أبائنا
في تهديدنا بالكي وقطع اللسان بالسكين لايكون تحسب إنك تهددها تحسب إنها بتتعدل الله يصلحك هاذي إمرأه وليست طفله كيف قصدك تخوفها
وهذولاك أطفال وإللي يهددوهم ويخوفوهم والدينهم مو زوجات وأزواج
يهددون بعض وأنت ضربتها وتقول حتى الأب لوضرب إبنه علشان يأدبه مو معناته إنه يكرهه أنت ليش تقارن بين ضرب وتهديد الأباء لأبنائهم في موضوعك مع زوجتك وكأنها طفله أنت تتعامل مع إنسانه كبيره ناضجه موطفل علشان تهدده بسكين زوجتك غلطانه والحق عليك أنت أنت تركت لها عدة طرق حتى وصلت لمبتغاها منك وصارت تعرف نقاط ضعفك علشان كذا أستعلت عليك وجعلتك في يدها تعجن فيك وتلت مثل ماتبغي هاذي لا حبتك ولاقدرت إللي أنت تسويه علشانها ولا أحترمتك ولا أحترمت أهلك وعلشان كذا بتعصرك عصر بنقطة ضعفك ولدك إبنك تحسب بأنك الحين مستعد تضحي بكل شئ علشانه ومستعد ترضيها وترجعها بللي تبغاه بس أحسن شئ إنك تطنشها وتتركها الحين أهم شئ إبنك إصرف عليه وزوره وهي لاتسأل فيها وخلها فتره عند أهلها حتى تشوف بأن الرؤس أينعت وحان قطافها وتشوف إنها تراسلك وتتصل عليك وخلها تترجاك علشان ترجعها لبيتها وصدقني لوتركتها عند أهلها شهرين بس بتتعدل وتترجاك علشان تجيبها البيت لأنه لا أبوها ولا أخوها بيسوي إللي أنت تسويه لها لا أحد بيغسل ولا أحد بيرضع ولا أحد بيكنس ويمسح ولا أحد منهم بيعطيها راتبه تلعب فيه علا كيفها وأنت بعد شهر
تقريبا إنشر إشاعه بس تأكد من أحد بيوصل الكلام لها بأنك ناوي تخطب وتتزوج وشوف كيف تنهال المكالمات والرسايل عليك منها وقتها لورحت بترجعها بشروطك وإتفقواعليها قدام أهلها ومنها تقوم بواجباتها كزوجه وربة منزل وكمان تحديد مبلغ تعطيها إياه نهاية كل شهر مع الراتب كنفقه لها ويادار مادخلك شر وأنت عدل أسلوبك معها لاترخي لها الحبل شد عليها وخلها تعرف إنك تغيرت عن أول وأنا لفت نظري فيها طبع شكل زوجتك تغار وشكاكه تشك فيك وإلا ليش تفتش أغراضك المفروض حتى تفتيش أغراضك تخليها شرط من شروطك عند أهلها بأنها ممنوعه تمس جوالي أوأي شئ خاص فيك أعجبها كلامك وشروطك وإلا خلها عند أهلها تنطق وبصراحه لومابينكم طفل كان قلت لك طلقها وريح بالك وإظفر بذات الدين تربت يداك تزوج وحده تقدر ظروفك وتحترمك وأترك عنك وجع الراس بس الطفل ماله ذنب حرام يتربى
بعيد عن واحد منكم أنت أتركها عند أهلها وطنشها وحتى رسايلها ومكالماتها طنشها لاترد عليه خلها تطبخ على نار هاديه يا أخي قوي قلبك بلارضاوه ولا يحزنون علا كذا بتجلس تدفع مهرها مدى العمر أنا أشوف مالهاحق تطلب رضاوه كل عمايلها من عدم إحترام لك وإسراف وتبذير وماتقوم بواجباتها المنزليه المفرض ترجع بيتها وتعتذر منك
وتتأسف علا مابدر منها من تقصير بحقوقك ومابدرمنها من تصرفات الله يعينك علا مابلاك وسامحني ياخوي لوغلطت بحقك لأن صراحه الفيوز عندي ضاربه وصرت ما أدري وش كتبت هاذا وأنا ما أعرفها وشلون وأنت عايش معها
الله يعينك ونصيحه أخرى أنت ثقف زوجتك بلكتب والدروس المفيده في حقوق الزوجيه ودخلها تقرأ منتديات مثل هل منتدى ترى فيه خير كثير بس لاتجيبها قسمنا علشان ما تكفشك وأنت كاتب هنا عنها روح بها قسم مفضلة المتزوجين بثوبها الجديد ترى المنتدى هاذا دواء للحياة الزوجيه العليله ونسأل الله الصلاح
والهدايه لزوجتك وأن تعم حياتكم الزوجيه الحب والإستقرار والسعاده يارب إن شاءالله تعالى .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله