منتدى عالم الأسرة والمجتمع - عرض مشاركة واحدة - أمي

25-11-2010, 01:35 PM

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

ربي يفتحها عليك كمان وكمان خالتو

لا تنقهر ولا تحس بالظلم ...ربنا عادل ..تأكد انه عادل بالملليمتر وبالذرة ...بعرف انك بتعرف هالحكي بس أحيانا لما تضيق علينا بنحتاج من يذكرنا ...

انحرمت حنان الام وممكن تظل محروم منه طول العمر لكن ربنا عوضك خير بنفسك أولا بانك رجل صالح ( ولا تظن انها هذي سهلة ...نعمة الايمان نعمة كبيرة ).... وبعروستك ثانيا ..ربي يحننها عليك ويحننك عليها....

لا تنقهر خالتو ..غيرك انحرم أمه بوفاة أو غيره ...أو أم موجوده مع والده وبعيله وحده لكن لا حنان ولا أمومه ما عندها غير نفسها وطلعاتها ... أو يا لطيف أم تخجل أولادها وتنزل الراس بأفعالها ...الدنيا فيها ابتلاءات كتير

ما بدنا نحسب ولا نعاتب ...مين غلط ومين ما غلط ... كله انتهى وما في فايده من الكلام .

المهم انه مستقبلك قدامك وحياتك لسه راح تبتدي ,,, بعرف انه أمك وابوك راح يظلوا جزء منها متل كل الشباب اللي بيتزوجوا ...لما يتزوج الشاب ومهما كانت علاقته قوية بأهله بيبتدي صفحة جديدة وبيستقل وبيبعد شوي عنهم ...هللا انت متلك متل أي شاب عاش بوسط أهله ..

تزوجت وراح تستقل وتكون حياتك مع زوجتك هي الأساس وحياتك مع باقي الناس فروع .. وبالتالي ما راح تحس بحرمانهم لانه الاساس موجود عندك ..أساس متين وكله حنيه وحب

ربي يوفقك ويسعدك يا رب ..بتستاهل كل خير ..

ربي يفتحها عليك ويعطيك لحتى يرضيك دنيا واخره ..