اخواتى الغاليات اشكركم جدا على اهتمامكم وسؤلكم عن والدتى ويارب يرزقكم الخير جميعا

زهور الدعاء الغاليه الحمد لله والدتى تتحسن بفضل الله ولكنها مازالت فى حاجه لوجودنا بجانبها لان للاسف الجلطه عملتلها تأثير فى مركز التركيز فى المخ وطبعا هى لوحدها مش هتقدر تتعامل ولذلك انا واختى بنتبادل انها تكون معانا اما بالنسبه لى وطبعا زى ما انتى قولتى انى لازم ابرها وفوق هذا كمان كل ما اتذكر انى كنت صغيره وكم مره هى سهرت بجانبى وانا مريضه وكم مره تعبت علشانى وبعد وفاه والدى ازاى هى ربتنى وزوجتنى لوحدها احس انى لازم اكون تحت قدميها ومش كده وبس ده عمرى كله فدها فهى الام والاب والابنه بالنسبه لى اما بالنسبه لموضوع الحمل ان شاء الله انا عندى امل كبير فى الله انه هيرزقنى الذريه الصالحه ولكنى متوقفه الان عن اى علاج واكيد ديه فرصه لكى انقص من وزنى لان الدكتور قال لى ان ده هيسعدنى كتير فى الحقن المجهرى والله المستعان اشكرك جدا يا حبيبتى على اهتمامك انتى وجميع الاخوات سامحونى مش هذكر اسماء لانى اخاف انسى اسم ولكنكم جميعا فى قلبى واسفه على الاطاله والكلام الكتير اللى قولته عن والدتى لكنكم اخواتى ودايما بحب افضفض معاكم مش بس فى موضوع الحمل لكن فى كل شىء

تقبلوا حبى ودعائى لى ولكم

__________________

رَبِّ هَبْ لِي مِن لَّدُنْكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ