وربي أني متضايقه بالمره ..ولا أعرف وش الحل .. والعد التنازلي ابتداء ..؟؟
السلام عليكم ورحمه الله وبركاته ...
أرجوا مساعدتي بأي نصيحه .... فلا تبخلوا على بالمشوره ...
زوجي كثير السفر إلى الخارج ... وبصراحه لقد سبب لي هذا الموضوع الكثير الكثير من المشاكل مع عائلتي وبالأخص والدتي ...
فعندما يسافر زوجي لإنهاء أعماله في خارج الدوله ... أضطر إلى الذهاب لبيت الوالد :( ..
وعندما أخبر أمي بأن زوجي مسافر وأني سوف أمكث عندهم ... تبدأ بمضايقتي ...
وبالفعل فأنا منزعجه لحد لا يوصف من تلك التصرفات .... أعلم بأنها أمي ولكن ... لكل شي حد ... مثلاُ .. يومياً وفي وقت التجمع العائلي .. تبدأ الحديث عن زوجي وبأنه مهملني وتاركني لوحدي .. وبأنه يعطيني مصروفي بالآلف لكي أصرف النظر عن تصرفاته وتتهمه بأنه خائن ويسافر فقط للبنات :confused: وقد وفر لي بيت لحالي عشان يخدعني بأنه سعيد معاي ، وعندما أتشاجر معها .. تقول لي .. أنتي مش عاقله وأنتي ..وأنتي ..وأنتي .............[في ألفاظ كثيره تقولي إياها] ... ويكون هذا الحديث أمام الكل .... [أخواني وزوجاتهم وأخواتي وأبنائهم ....] ..
وكم مره غضبت غضباً شديداً واترك بيتهم وأطلع لبيتنا .... بس والله أني أحس بالوحده وأزهق ...
واليوم فاتحني زوجي بأنه سيذهب إلى [بانكوك] مع أصدقائه ... عشان يرتاح من هم الشغل شوي ... وأنا واثقه فيه و واثقه أنه يموت فيني ... وبالتأكيد أن الزوجه تحس إذا كان زوجها يلعب أو لا ...
وأنا تضايقت لدرجه ما تتخيلونها ... لأنه لي كان يروح دول عربيه كانت أمي تفضحني عند العائله والحين لما بتدري أنه رايح [بانكوك] وش اللي بتسويه ....؟؟؟؟!!!!!!!
فقررت أني أخبي عليها ولا أقولها .. وأقعد في بيتي لحالي :( ...
وهذا اللي سويته في آخر مره لما سافر مع مسؤولين في الشغل لإنهاء أعمالهم .... جلست في البيت لحالي .. وحسيت بضيقه مالها أخر .... وأتصلت لخوي وقلت له .. وقال لي أنا أدري أن أمي تتدخل في حياتك وايد ... بس هذي في الأول والأخير أمنا .... وأنتي قعدتك في البيت بروحك غلط ..غلط كبير .... و تواعدنا في بيت الوالد .... وخبر الوالده أن زوجي في رحله للبحر مع شباب ... وقالت له .. أول مره هو يطلع للبحر .... والمهم أنه رقع الموضوع لي سكتت عني وخلتني في حالي ... بس في هالمره يمكن يقعد اسبوعين ومستحيل فيه أي انسان في الدنيا يروح شاليه اسبوعين إلا اذا كان فاضي عمل :rolleyes: .. وهي تدري عن زوجي أنه مستحيل يهمل عمله ويفضل الطلعات على شغله .
أرجوكم أرجوكم لا تبخلو ا علي بالرأي السديد ...
لاتقولون تفاهمي مع أمك ... خلاص أنا عجزت لأن التفاهم ماينفع معاها ... ولا أقدر أوقف في طريق زوجي وأعطل شغله وماقدر أكون دايماً معاه لأنه حلو أن الواحد يغير ويبتعد ويرجع وهو مشتاق ..وأخاف اضغط عليه ويجي يوم ويمل مني ويفكر في غيري .. :(
والله أني واثق منه .. لأنه مرت علي مواقف وايد في حياتي معاه ودائماً أكتشف أنه وفّي ويحبني وماله في سوالف البنات...بس أمي [الله يهديها] ماخلت فيني ثقه ..بالفعل قمت أشك فيه على ولا شي ... :confused:
من تشوفني جالسه في حالي ..تحذف علي كلام وتتكلم عن الزوجات اللي أزواجهم تزوجوا عليهم .. وتتكلم عن الخيانه وعن بنات الحرام وعن وعن ......
والله أني محتاره بين أمي وزوجي ... مع أن زوجي مو مقصر علي بالمره ... ويعطيني كل اللي تتمناه كل زوجه وأكثر بعد .....
أذكر في آخر سفره لزوجي كنت في بيت الوالد ... وفي وقت الغدا .. فتحت الوالده الموضوع المعتاد... وما أرتاحت لي سدت نفسي من كل شي ورحت لغرفتي وأنا أصيح من حرقه قلبي ... وفي نفس الوقت أتصل زوجي ولما سمعت صوته ما قدرت استحمل وصحت أكثر وأكثر وهو المسكين تروع علي .... وما ارتاح إلا لي قلت له عن الموضوع ...
والحين بالطبع .. مايكلم أمي ليش أنها قالت له في وجه أنت [راعي بنات :eek: ] عفواً على هذي الكلمه .... وهو سكت واحترمها ولا رد بكلمه كله عشان خاطري .... :(
وكلم أخوي .. وقال له ..الظاهر أمك مش مرتاحه إلا لي بطلق زوجتي عشان زوجتي ترتاح نفسياً وأنا أرتاح وأمك ترتاح ... :( :( :( وتقعد عندها في البيت وقال له أنا أدري أن أختك مالها خص في الموضوع بس لاحول ولا قوه الظاهر هذا الحل اللي بيريحها... و..و......و...... :(
أنصحوني ... أنا اليوم بالفعل محتاجه لنصيحتكم والله ...
والمسكين زوجي قال لي أنه بيسافر معاي لعده دول قبل موعد سفره .. عشان ما أتضايق لما هو بيسافر .... :confused:
لو كان مايحبني مستحيل بيفكر فيني ... أو بيفكر كيف يسعدني .... :rolleyes:
وعلى فكره ...
قال لي .. أدري أن أمك بتخليك تشكين في نفسك من كلامها اللي يسم البدن ... بس والله أني بروح مع الشباب للوناسه بس ... والله مش حق اللعبه ... وإذا ماتصدقيني ..قبل لاسافر بقسم لك على القرآن أني مش لامس أي وحده هناك أو أني بسوي معاها شي :( :rolleyes: :confused: ...
المشكله أني ما أبغي أوصل الموضوع للحلفان ..أو القسم ...لأنه والحمدلله الثقه موجوده ... وأشوف زوجي قايم بحقوق ربه ..ويقوم لصلاه الليل ومتذكر الآخره .....
بس... :rolleyes:
أنا أتخذت قرار أني بجلس في البيت لحالي ... وفي نفس الوقت متردده...
أرجوكم أبي رايكم في الموضوع .... لأني لو قعدت في البيت بتملل وبحس بالوحده :( ..ولو رحت بيت الوالد بتحسف على اليوم اللي تزوجت فيه :( ....
مع تحياتي ...
الحزينه
بنت المنتدى
الهنوووووف