الحمدالله حياتنا ماقد وصلت لضرب والله لايجعلها توصل لاحياتنا ولا حياتكم لاكن إذا قدر الله ومد إيده عليه وضربني قدامه ثلاثة خيارات واحد إن يعطيني صك طلاقي بثلاث لأن أنا ما أقدر أعيش بدون رد إعتبار ورد إعتباري لويجيب كنوز الدنيا ما أرضى أرجع إلا السن بالسن والعين بالعين والجروح قصاص.
الثانيه إن أتصل علا أخواني وأعمامي وخوالي وما أبغى إلا كل واحد منهم يعطيه مخمس حتى يشوفني عن أربع حريم يعني وقتهايكمل السنه .
والثالثه ويمكن يلحسها ويسكت هاذي إني علا راسه بصاج التيفال وإلا قدر الضغط حتى يحس إن الضرب يوجع وإلا مايوجع ليه أجسام الحريم يمكنها مدبله تحتمل الضرب ماصدقوا بكلمة فاضربوهن ليش الضرب له حدود وأتوقع إنه ماتزوجني إلا وأنا متربية من بيت أهلي حتى لوغلطت عليه عندي أهل هم يحاسبوني أما يكون هو القاضي والجلاد فلا بعيده عن شواربه هاذي وممكن بعض الزوجات تقبل ضرب زوجها والبعض لا صعبه حتى ما عاد تقدرتعيش معاه بس تتوقعون إللي زوجها يمد إيده عليها ويضربها هل ستبقى في نفسها تحبه وتحترمه وإذا مرض هل ستعطف عليه أو إذا سافر هل ستوله عليه وتشتاق له مثل سابق حياتها أوسوى حضر أم غاب كله مثل بعض عندها الله المستعان طيب وإذا كان زوج سكير لايصلي ولايصوم ولايخاف ربه في أهل بيته هل إذا ضربها وهي زوجه صالحه فيها خيروصابره علا بالها ستغيره وتجعله شخص آخر أخاف يذبحها قبل يعلن توبته وبكذا خسرت نفسها .لا لا حبيبتي نفسي نفسي وبعضهم عنده عقده من صغره عاش حياته تعذيب وضرب فيوم يتزوج يطبقها
على زوجته وعياله وحنا عندنا شخص نفذوا فيه حكم القصاص يوم الجمعه تعزيرا تدرين وش جريمته قتل بنته عمرها خمس سنوات قتلها كيف تدرين إنه ضربها بسلك كهربائي وأستخدم يديه ورجليه في ركلها حتى فارقت الحياة طفله عمرها خمس سنوات وش سوت له علشان يقتلها حبيبتي بعض الرجال الرحمه منزوعه من قلوبهم هاذي بنته وقتلها عاد بالله الزوجه وش يصير فيها
لوكان زوجها أسلوبه كذا يمكن يحطها
تو نه ولا مفروم سنبوسه طبعا البعض وليس الكل الله لايبلانا موضوعك حلو صراحة حتى بعض الأزواج يشوفوا مشاعر الزوجات تجاه ضربهم لزوجاتهم
إللي الواحد تطبخ له وتعفه وتربي عياله وحضرته مسوي فيها رامبو على المسكينه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله