[QUOTE=هايــــــــــدي;2525215]
ماريا 13 سلاااااااااااامات ياقلبي آخر الطيحات ان شاءالله
بقولك شيء تدرين اني ماااارحت المستشفى اتابع الحمل ابد يعني لي شهرين ونصف ماسويت ولاشيء حتى تحليل الحمل ماسويته..

بس ان شاءالله شهر 1 بروح لعيادة واتابع الحمل<<بدري
ومشكووورة حبيبتي الله يخليلك زوجك وبنيتك وتشوفينها عروس ...
[QUOTE]

اسمحيلي أكون شوي قاسية معاك بسبب خوفي على جنينك ... اللي تسوينه عدم مبالاه وعدم مسؤوليه مو قوة وجلد ...

بعد كل الكلام ومنتظرة لشهر 1 حتى تبتدي تزوري الطبيبة وتشيكي على صحة جنينك ؟؟؟؟؟؟؟ وافرضي انك محتاجة لأمر معين تعمله لك الدكتورة أو طوا أو فيتامين واذا تأخرتي بهذا الامر بتضري بصحة طفلك ويطلع معوق أو مشوه لا سمح الله ؟؟؟؟؟؟؟؟؟؟

تصرف حماتك تصرف متطرف وتصرفك متطرف كمان لكن بالتجاه الاخر ... يعني هي تزودها كثير وانتي تكتمي زيادة بشكل يقطع العلاقة والروابط بينك وبين زوجك ....
اذا سألك عن تعبك أو زعلك وما قلتي له وكأنك تقوليله انت مو كفو تعرف وما عندك مقدرة تحميني أو تساندني ... الرجل يحتاج ان يكون أحد بحاجته ولأحد يدلله ...ما أقول توني وتشتكي على طول أو على كل شي لكن اذا سألك لا تصديه وتدللي عليه ...يبي يدللك لا تقولي لأ

ونفس الشيء اذا كان هو المريض ..فرصة تدلليه وتظهري حبك له ...

كنت من نوع الستات اللي تعتمد على نفسها ..أحاول ما أطلب زوجي بشي ...أتصرف بكل مشاكل البيت والاولاد بدون ما أبلغه بشي أو أعلمه بتعبي وهمي .... لكن أكتشفت انه تصرفي كان غلط بغلط ...الرجل بطبعه يحب يحس انه أهل بيته يحتاجوه وانه أنثاه سانده ظهرها عليه ... وطبعا هذا انعكس على تصرفي معاه لما يكون بحاجتي أو مريض ...أوقل بداخي أففف شو هالدلع ...رجال ويتدلع !!!! وما شاف مني ريق حلة أبد ..كأنه متزوج رجل مو بنت

الحين اذا تأخر شوي ...وبداخلي أكون متطمنه ومبسوطة انه صارلي فرصة أنجز أموري الخاصه لكني أتصل فيه وأسأل ..ليه تأخرت ...واظهر انشغالي عليه ...واذا ما رد على اتصالي أظهر له زعل بدلال وأبين له اني انشغلت وخفت عليك ....

الخلاصة لازم يحس باهتمامك فيه