الله يعينك أختي ويصلح زوجك إن شاء الله بالنسبه لروحته عند أهله بعض الشباب لوتزوجوا تلقينهم يشتاقو لأهلهم ويشتاق لجلسة بيتهم ويشتاق حتى لمكان جلوسه ونومه عند أهله يعني يحن على أيام أول وكمان يمكن يلاقي عندهم حريته يعني ياخذ راحته بالتدخين والسوالف وعلى فكره المدخنين مايعرفوا يسولفو إلا إذا ولع سجارته تلقينه يسولف وينسجم أناشايفه واحد من إخواني الله أبتلاه بهاذي الآفه وعجزنا وحنا ننصحه بتركه أنا بصراحه وزوجي مانخليه يدخن عندنا دايم أقوله إطلع دخن برى وبعدين تعال نسولف بس صراحه يرجع عندنا الريحه خايسه وماسكه حتى شعر راسه الغرفه تكتم من ريحته بس وش نسوي لوتكلمنا قال ذولي مايبوني وأنا أنصحك بأن تنصحي زوجك من التدخين بس مونصيحه بأنك كارهة له ولنفس التدخين يعني لاتنصحيه على أساس إنك ماتحبي ريحته
إنصحيه على أساس إنك خايفه عليه وعلى صحته قولي له التدخين مضر بالصحه وأنا خايفه على صحتك أنت تعرف إن أنا مالي غيرك ولوسمح الله وصار لك شئ خلاص حياتي بتنتهي عقبك
وجيبي له نشرات توعويه وكتيبات عن ضحايا التدخين وكلميه عن قصصهم ومآسيهم وقولي له أنا أحبك وماودي أخسرك بسبب هالدخان أنا أمنيتي تتركه علشاني لوكان لي عندك شأن وفيه كمان عيادات متخصصه في الإقلاع عن التدخين ولها إسم بس والله الحين ما أذكره يقدر يتابع فيها وإن شاء الله إنه يتركه بإذن الله أهم شئ الإراده بالنسبه
بالنسبه لطلعات والمشاوير أنت إجلسي معه وتفاهمي وخصصي لك أوقات يوديك فيها وين ماتبغي بإتفاقكم إنتم الإثنين وأنت مشكلتك بسيطه بس تحتاجي شوية صبر وتأني وتتصرفي بحكمه وعقل والزوج مايجي بالعصبيه والصراخ والزعل والنكد لا حبيبتي الأمر يتطلب منك الهدوء والتفكير قبل إتخاذ أي قرار وزوجك سايسيه وحاولي إنك تسوين له أشياء يحبها وتخليه يتعلق فيك وماعاد وده يفارقك كل زوج ولشخصيته مفتاح والزوجه الذكية هي من تعرف إين مفتاح شخصية زوجها أنت أول شئ ركزي
على هواياته والمواضيع إللي يحبها ويحب يسويها أنت قوي نفسك ومعلوماتك بالشئ إللي يحبه ويهواه
وأنت سوي جدول يومي يعني برنامج خاص في اليوم يعني مثلا اليوم يصحي يروح الدوام وبعدهايجي يكون أنتي جهزت الغداء وبعد الغداء الواحد ياخذ قيلوله إلين يأذن العصر طبعا أنت بعد الغداء جهزي حلا وقهوة وصحيه يصلي العصر بعد مايروح يصلي يجي أجلسوا تقهوا أنت وياه وسولفو أنت إخترعي سوالف من راسك أهم شئ إنك تمسكيه عندك بعد العصر إلين يأذن المغرب طبعا يروح يصلي أنت قولي له بعد صلاة المغرب خلنا نطلع نتمشى شويه حتى يأذن صلاة العشاء وتصلون وعقبها تردون للبيت جهزي عشاك وإذا كان زوجك يسهر ضبطي عقب العشاء براد شاي بالنعناع وجيبي مكسرات واجلسي عنده وتكلمي معاه بس كلام وسوالف غير جلسة العصريه علشان مايمل من السوالف وأحسن شئ تكون السوالف حق العصريه عن مستقبلكم وأحلامكم وكمان سوالف إجتماعيه وسوالف اليل خليها عن الذكريات الحلوه والرومنسيات
وعن الأشياء الحلوه في حياتكم وغيري حتى مايتسرب الملل إلى نفسه ونوعي ليله إطلعي تمشوا وليلة يزور أهله وليلة تزوروا أهلك وليلة إجلسوا في البيت مع بعض التجديد مطلوب روحو كوفي شوب إطلعو لفوا بسياره إطلعوا تعشوا وإسهروا في مطعم أو منتزه وأفضل شئ تكون كل ليلة خميس وصدقيني الحين ولهانه عليه علشان ماعندك عيال كثير يشغلوك عنه علشان كذا أنت مهتمه فيه بس مجردماتجيبي إثنين أوثلاثه عيال يصير يطردوراك وأنت أنا مشغوله ترانا تعلقنا فيهم حتى هلكنا بس يوم جونا عيال صرنا عادي جاء ولا راح كله واحد عندنا الوحده صارت حتى راسها ماتقدر تحكه من كثر شغلها ومسؤلياتها والأدهى لو الزوج بيتوتي يحب جلسة البيت الله يحفظك ويحفظ لك زوجك ويصلحه ويهديه وربنا يجعل حياتكم كلها هناء وسعادة يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله