انا زوجة منذ ثلاث سنوات وام لطفلتين اعاني مشاكل كثيرة مع زوجي خاصة بعد ان افترقنا في السكن انا موظفة في مكان اخر غير مكان سكنة عند اهلي وهو عند اهلة مشاكلنا كثيرة وغريبة لما يجي من سفرة مايفكر يجيب معه اي شي حتى لو عصير احس انه بخيل .. قبل كان يهتم بزعلي فجأة صار مايهمة واذا زعلنا مايفكر يتصل ابد ا ولايسأل حتى لو عن بناته حتى لما نخرج مع بعض لمطعم او شي يحسنني انة مامعام فلوس فادفع انا ومايفكر ولا مرة يقولي انا ابي ادفع حاولت معاه يفتح حساب لبناتي بالبنك بمبلغ بسيط ورفض ولا مرة اهداني هدية حتى لما اولد حتى اسما البنات تهاوشنا عليها ومافكر يسألني وش تبين تسمين واسم الولد اللي للحين ماجا مختارة من الحين ويقولي غير هالكلام ماعندي لو اقول تعبانه اويشوفني اتألم مايفكر يقولي لو مجاملة سلامتك ولا مرة قالي كلمة حلوة واذا زعلت وعاتبتة يقولي انا مااحب اجامل وانتي تدرين اني احبك من دون مااقول يفكر بأهلة في كل صغيرة وكبيرة وانا اخر همة حتى لما اسافر عندة واجلس مع اهلة لا طلعة ولاروحة الا لما نتهاوش فكرت مؤخرا اني اشتري شقة في مكان سكنة عشان اذا سافرت بالاجازات اجلس فية معاه لحالنا يمكن احس بالاستقرار وانا الحين افكر بالاثاث ولما قلت لة ادفع معي قال من وين لي بأختصار مايبي يدفع اي شي حتى لما اسألة عن راية ب؟أي شي يقول انتي بكيفك انا مالي دخل والله تعبت والله لولا بناتي خلصت نفسي من زمان لدرجة اني اللحين في الفترة الاخيرة مرات ادعي علية ومرات احس اني انقرف منة كل مشاعر الحب اللي بقلبي ماتت احس اني بديت اكرة لكن ظروفي اقوى منى مااقدر اتطلق حياتي من دونة رح تكون اسوأ شوروا علي بالحل ولايكون كلام نظري والله الدمعة صارت ماتنشف من عيني حتى صرت اذا رحت للسوق او اي مكان وشفت اثنين ماسكين ايادي بعض احسدهم مع اني قلبي طيب وماكنت كذا