الحمدلله على سلامتك يادلوعة اهم شيء ماجاك شيء والباقي اسحبي على دنيا المواجع جلنطااات يالغاليه فديتك والله ..
بقولك شغله ويمكن خطأ يمكن شاف النيك نيم حقك وقال هذي تتدلع علي ويعاملك على انك دلوعة وانتي تتألمين من جوى وهو يعتبره دلع فعقله الباطن مبرمج على هالاسم ويعاملك على هالشيء وانك تستهبلي عليه انتبهي ترى بعض الرجال يفهم كذا ولا ينسى ..
ولايهمك اي احد بالعكس كوني صداقات وجارات وانبسطي وعيشي حياتك انسي عدم اهتمامه انسي انك مقيدة وتحت رحمته سوي اللي عليك واطلبي اللي تبين من مشغل من زيارة صديقاتك من تسوق قولي بنتفرج وبعدين نشوف اللي يعجبنا ونشتري عيشي حياتك لك لك لك ولعيالك الثنين اهتمي فيهم اكليهم نظفيهم نوميهم اهم شيء عندك وسوي حفلات معهم وانبسطي معاهم خليهم يتعلموا من حبك وحنانك وروحك الرياضيه استهبلوا مع بعض شموع وانشيد وقاتوهات عيشي طفولتهم غيري جو البيت والله انا مثلك وقاعده اسلي نفسي وانسى انسى وانسى ..
لي متى احتري الحظ يطق بابي لي متى ؟؟
والصلاة والنوافل والاستغفار حافظي عليهم واتقنيهم وادعي ربي وتفائلي وثقي بقدرة الله في كل شيء ..
ربي يوفقك ويسعدك ويهنيك مع عيالك وينسيك الحزن والتعب والهم ..