ياستي ألف ألف حمدالله على سلامتك وألف ألف مليون مبروك على المولود ويتربى في عزكم إنت وأبوه إن شاء الله ويجعله من البارين فيكم إن شاءالله يارب بالنسبه لروحتك عند أهلك وزوجك رافض غلط وطبعا هذا زوجك وله عليك
حقوق ومن حقه إنه يرفض زيارتك لأهلك يمكن إنه بحاجتك إلى جانبه ولا يستطيع أن يستغني عنك في هاذي الأوقات و يبغى يفرح في مولوده الجديد وينبسط معاه ومدام أمك جت عندك فماله داعي تسوين مشكله مع زوجك
علشان سفرك مع أمك الحين شكلك بكريه أول مولود لك لأن أنا أشوف بعض الحريم مجرد ماتولد تروح لأهلها فترة الأربعين سوا بكريه أو سبق وقد جابت عيال ما أدري هاذي السالفه بأي كتاب تعلموها وحفظوها مجرد ماتولد تترك زوجها أربعين يوم وتجلس عند أهلها وكأن زوجها مايحتاج منها شئ أصلا كيف تأمن عليه من الفتن إللي حوله
وأنا أذكر قصة بنت حصلتها هنا في هذا المنتدى بأنها بعد الولاده ذهبت لقضاء الأربعينيه عند أهلها ولما خلصتها أتصلت عليه قالت له تعال رجعني بيتي جلس يماطل فيها وبعد ها راح لأبوها وصارحه بأنه تزوج زوجة ثانيه بعد ولادة زوجته وقاله قول لبنتك إني تزوجت وسبحان الله كانت منصدمه من فعلت زوجها
لأنه أصلا ماكان فيه بينهم أي مشاكل سابقه زوجته إنذهلت من تصرفه والحين كمان فيه بنت زوجها طلقها بعد ولادتها وكانت عند أهلها شوفي قصتها عندك هنا في قسم المتزوجين بعنوان هدية زوجي بعد ولادتي طلاقي أنا أشوف إن سالفة الأربعينيه هاذي ياما خربت بيوت ودمرت أسرة بكاملها زمان كان الوحده تولد كان تجلس في بيت زوجها حتى تخلص الأربعين وبعدهاتطلع تزور إللي تبغى أختي نصيحه لك بأن تطيعي زوجك في أمره ولا تعصيه أنا جبت خمسه عيال وأتعب عليهم تعب وش كثره من بداية حملي حتى ولادتي وأرح أولد بالمستشفى وما معي غير رب العالمين وزوجي هاذا طبعا في أول مولود وبعدها أروح بيتي مافيه أي قريبه عندي مافيه غير أنا وزوجي لأن أهلي وأهله بمنطقه تبعد عنا 2000كيلو وما أزورهم غير بالسنه مره وأحيان سنه وعليها ستة شهور ودائما حملي يجي ورى بعض تصدقين ولدت وبعدها حملت بعد الأربعين مباشره بالثاني حتى شكلهم مثل التوأم ومقاسهم بالملابس واحد بس أنا في فترة ولادتي الأخيره أنا أقول لزوجي روح للعيال لأنهم يجلسوا لحالهم بالبيت
وماعندهم أحد وعيالي مايحبوا يجلسوا عند الجيران مره فأظطر إني أخليه يرجع للبيت وأنا بعد ما أولد أعطيه خبر بالجوال والحمدالله زوجي بعد ما أولد ياخذ إجازه شهر ويجلس عندي يساعدني في البيت وتربية الأولاد ومايقصر معي يبغى يجيب شغاله بس أنا رافضه بتاتا أن أدخل إلى منزلي إنسانه غريبه أحس إني ما أرتاح لشغالأت في بيتي أنا أنصحك بأن تتبعي كلام زوجك وتسمعينه وتطيعيه بالنسبه لسفركم في الإجازه من الأفضل أن تجلسي معاه جلسة تفاهم وحوار وتتفقو بأن تكون مدتها متساويه بينكم ولوإني أشوف إن بعض الرجال ينحرج من جلسته عند أهل زوجته ويحسه ضيف ثقيل رغم إنهم يحبوه ويقدروه مثل ولدهم لاكن هو يفكر بغير كذا فيضطر بأن يقلل عدد مرات وأيام الزياره لأهل زوجته وبنفس الوقت يرتاح عند أهله ويحتاج زوجته تكون جنبه تهتم فيه وتراعيه وتلبي إحتياجاته أنت تفاهمي مع زوجك بدون عصبيه وتبادل إتهامات فيما بينكم وإنصحك تجيبي سيرة أهله قدامه علشان مايظن فيك إنك متضايقه من جلستك معهم وقضاء أكثر وقت من إجازته عند أهله أحسن شئ إنك بالطيبه تاخذي إللي تبغينه منه وأولها الطاعه عليك طاعته وسايسيه وأتركي العناد والزعل والنفرزه لأنها ماوراها إلى خراب البيوت ولو أنت كلمتيه بطريقه حلوه ومحببه إلى نفسه صدقيني كان وافق بس الظاهر إنك كلمتيه في وقت غير مناسب علشان كذا زعل وقال لك الكلام هاذا أرجو منك أن تتقبلي مداخلتي بصدر رحب وأتمنا لك دوام السعاده في حياتك الزوجيه وأدام الله عليك الراحة والإستقرار.










‏ ‏

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله