السلام عليكم ورحمة الله وبركاته
ابغا اطرح مشكلة صديقتي الي عجزت معاها وماتبغا تقتنع
صديقتي المقربة جدا تخاف من الزواج من الموضوع بشكل عام احس قريب ويسير معاها عقده نفسيه بسبب هذا الموضوع تقدم لخطبتها الكثير لاكنها ترفض بدون اسباب تقول انا ماابغا اتزوج لما اسالها ايش السبب تقولي اخاااف من هذا الموضوع وتبكي ولا تحب احد من اهلها يفاتحها فيه واذا فتح الموضوع تعصب وتروح تبكي انا كل خوفي عليها انه يمشي العمر وماتتزوج نصحتها بكل الطرق كلمتها وفهمتها لاكن تلف عليا ولاتقولي سبب صريح وواضح ومقنع هيا عمرها 20 وقريب تسير 21 ومعاها ثانوي ماكملت للجامعة
ابغاكم تساعدوني بحل وكيف اتصرف معاها اهلها شايلين همها صعب يشوفو بنتهم ترفض الي يتقدمو من غير سبب مع انه ماشاءالله يتقدم لها رجال اخلاق ووظيفة وكل شي
انا قولتلها انتي واجهي خوفك واكسري كل الحواجز لاتخلي شي يوقف بطريقك وقولتلها لو وافقتي راح يروح خوفك شويا شويا وتشوفيه شي عاد بس هيا مو متشجعة تتقدم خطوة احيانا افكر انه لازم اهلها يجبروها بالقوة بس كمان القوة في اشياء كذا ماتنفع
ساعدوني الله يخليكم بحل لها