منتدى عالم الأسرة والمجتمع - عرض مشاركة واحدة - أنا لم أُخلق لأتزوج ((مستجدات بالرد38))

02-12-2010, 09:12 PM

#38

تعويذة عشق

عضو دائم

تاريخ التسجيل: May 2010

المشاركات: 87

صارت تطورات بالموضوع .. ما تدفعه للأفضل أبدا

اليوم اتصل علي مرتين الصباح .. و ما رديت عليه ..

اصلا أنا كنت عارفة ان راح يتصل اليوم .. لأنه من قبل قايل له ان في عزيمة مع اصحابه في العمل على الغدا .. كذا عزيمة عائلية .. فتوقعت انه يدق ..

المهم ما رديت و طنشته ..

و صارت بيننا محادثة المسجات هذي

_ راح اكتب المسجات اللي صارت بيننا عشان تكونوا في قلب الحدث .. و تكونوا معاي نبضة بنبضة _

ارسل يقول :

تلوميني ليه اقول دلوعة و لا ينعاش معاك ؟ كل شي تسوين فيه شوشرة و لا تخلينا نستانس يومين بالاسبوع و تهون عليك المحبة و المعزة .. الشرهة علي أنا اذا دقيت عليك يا ام عقل ناضج

..

طبعا انا ولعت من سخافة اسلوبه .. هذا بدال ما يهدي الأمور ..

رديت عليه ..

مساء الخير
انت تعرف ليه دقيت .. عشان عزيمة ربعك ! يعني مو حب و معزة ع قولتك !
أنا مو بس اقول لك ليه تقول دلوعة .. دلوعة و غبية و متخلفة و تافهة و صراخ و تسكيرة التلفون بوجهي
اعتقد عقلي ناضج لما ما رديت عليك
..

رد هو :
صح كلامك .. انتي دايما صح و لا تغلطين أبدا .. أنا الغلطان

....

رديت عليه :

مافي أحد ما يغلط ..
بسألك بالله .. قد مرة قلت انت آسف بدون ما تقول وراها بس ؟
كل العالم تصير بينهم مشاكل بس أنا مالقى مبرر لشخص بمستواك انه لما يعصب يسب و يهين
انت قد قلت لي .. مافي بين الزوجين حيا و كرامة .. كلامك صحيح بس بشرط وجود احترام متبادل
تخيل و انت تقول لي غبية و تافهة أرد عليك و اقول انت الغبي و التافه .. تخيل المستوى اللي راح نوصل له
احنا شخصين جدا محترمين في أوساطنا الاجتماعية , بس مؤلم جدا نكون أوطى اثنين في تعاملنا مع بعض ,, انا ما اسمح لأي مخلوق يحط من قدري حتى لو باسم الحب .

.................

<<< تعبت و انا اكتب المسج هههههه

رد علي و قال :

ما راح تفهمين ليه اقول لك كذا .. لأن برأيك اللي تسويه مو غلط
يعني لما اسوي ازعاج كل شوي على اشياء تافهة .. يعقل ما تكوني تافهة ؟
و حركتك الأخيرة زي وجهك و لا تشرف و تخليني اعرف شقد عقلك صغير و تبين المشاكل على طول

.......................

طبعا انا هنا عصصصصصبت من حقارته بالرد و اسلوبه

و ما رديت عليه و تركته يولي

فيني قهرررررررررررررررررررر .. لو يعطوني فيسه سطرته

ما تتخيلوا شكثر هاللحظة كرهته