انتي يالغاليه
بعمر 2 من اخواتي
المهم
يعجبني فيك زعلك من نفسك وروح اعترافك
لكن ابقول لك شيء ؟؟!!!!
اعتبريني مثل اختك الكبيره واسمعي الكلام اللي بقوله زييييييييييييين
وهو
انتي لاصرتي ع النت وبلاخص بمحادثة الرجال !!
بتكونين متسرعه بلقرار لاجل الوناسه معه وتضييع الوقت ..
اي شيء يطلبك تلبين
ومنها عطيتيه صورتك !!!!! وبدون تفكير بلعواقب
اجل لو طلبك تطلعين او شيء ادهى بتلبين له وبسرعه !!!فاانتبهي
وافعلي اللي بقوله لك الان
اولا
لاتخبرين هلرجال انك بتقاطعين او بتنهين العلاقه لاجل مايربكك بلتهديد وماادري وش ؟!
وانتي ادرى وش يسون هلنوعيه من الرجال
ثانيا غيري رقم جوالك واكسري الشريحه القديمه وقولي لااهلك هلرقم قهرني كله ارقام غريبه ومزعجه وامسحي الارقام قبل تكسير الشريحه لاجل اذا شكوا اهلك وفتشوا الجوال !!!خوفا عليك طبعا !
ثالثا ..اللابتوب وهو الطامه ال2 بنظري وهو ان كان عندك ام او اخت قولي لهم ابعطيكم لاب توبي ابيكم تشيلونه عني لااني تعبت من النت ووقتي ضاع ع التصفح فاابي منكم بس ساعه او ساعتين تصفح بليوووووووووووم !!!!
والباقي اكون ادرس واذاكر واجلس معكم وحتى تعرفي وتتفرغين لطاعة الله والتوبه له وقراءة القران
لاتقولين لا !!!!قولي ان شاء الله وابدئي من بكره
وقولي بعد مهما طلبتكم لابتوبي بغير الوقت اللي حدده ارفضوا حتى لو ازعل ! صدقيني هلاسلوب بينفع معك لتنظيم الوقت والابتعاد عن لعبة القيمزر
رابعا اذا فتحتي النت تصفحي افيدي واستفيدي لاجل تنفعي نفسك وغيرك ودينك
ادخلي مواقع البنات واهتمامتهم مثل اخواتي يدخلون اقسام البنات كمنتدى فراشه وغيرها وتشوفينهم ع التسريحات الناعمه والابسه ومواقع الشراء والموضه وقرائة مشاكل البنات وضحك وفله بمنتدى البنات ....
ولا تفكرين تدخلين موقع قيمزر اذا حنيتي فقولي لنفسك !الله يشوفني الله بيمهل ولا يهمل
هلعه بتورطني بتدمرني ....ابي اعيش بسعاده وراحة بال وطاعة رحمان لالالالالاااااازم ابتعد لازم
الان ابدخل موقع كذا اتصفح واشارك واستانس
تأكدي ان الرجال اللي يكلمونك مايبونك ويحبونك فقط بلصوت وهو لو يبيك لقال ابي اتزوجك يابنت الناس !!.؟؟
هذا الفئه من الرجال يبون يفرغون شهوة العاطفه ويجربون الحب وهو حب كاااذب والدليل قال لك ابذبحها اختي لو كلمت شاب !!!
وانتي زعلتي
حبيبتي يالغاليه
اذكري الله الان وروحي صلي الوتر وتوبي وادع الله سبحانه ان الله يثبتك وماترجعي لهلعبه
وارجعي ذااااااااااكري واجتهدي
الان امسكي ورقه وقلم وارسمي جدول بلايام والمواد واجعلي الخميس راحه والجمعه تحضير لمواد السبت
لاتتكاسلي وتقولين لا توي !!!
لا ابدئي لانك انتي اهملتي فلا تهملي اكثر خلاص كافي اهمال
وابدي من بكره بماده معينه امسكي قلم رصاص ولخصي المهم وذاكري درس درس من اول صفحه الى الدرس اللي وصلتي له هذا اذا تبين تنجحي وصدقيني عن تجربه ان اجتهدي وحضر تي وحضرتي الدرس بيلاحظون المعلمات النشاط والتغيير وبثنون عليك امام الطالبات وبيساعدونك رغم انك مو محتاجه للمساعده لاانك اجتهدي ...
اذا داومتي اليوم السبت او بكره !!
لادخلتي قولي خلاص انا طالبه غير اول انا اببدع اليوم هذا تحدي مع نفسي ...وطبعا لاتروحي الا وقد حضرتي دروس الحصص من ليلة امس مثلا ....
خذي عهد ع عمرك ان حاولت او دخلت لعبة قيمزر يكون عقابي مثلا مابفتح النت بكره يوم كامل !!!وع طول عطي الابتوب لااحدد يمسكه عنده يوم كامل قولي له ابي اذاكر سوى اختك او امك او اخوك !
اجبرني نفسك ع التحمل
وماعليك كلها كم يوم ومعد تدخلين هلموقع وانتي بعد لا تنجرين للمواقع اللي بها شات !!!
اول ماتبحثين عن اي منتدى لاشفتي شات ...!ع طول اصرفي نظرك عنه وابحثي عن موقع اخر السبب!!!لاجل مايحلي الشيطان كلام الرجال والنساء بنظرك وبتقولين ابجرب !!
تذكري مابتتوفقين بحياتك لو ماصليتي وقريتي قران اعرفي الله بجميع الاوقات ليذكرك ويعرفك في جميع الاوقات
ولاجل يوفقك بحياتك ودراستك ويرزقك بزوج يشبعك حب وحنان لاتستعجلي ع الحب
نصيبك كاتبه ربي فااجعلي الله امامك بذكره وطاعتك لتسعدين بحياتك ...
اعرفي انك لو سويتي شيء بحياتك وانتي تسوين هالشيء بخفيه عن الناس او الاهل
فااعرفي انك مخطئه وابتعددي عنه ع الفور .الله يحفظك ويسعدك بحياتك .
__________________
اللهم فرج همي وهم كل مسلم ...
التعديل الأخير تم بواسطة همس 2009 ; 04-12-2010 الساعة 03:46 AM