الأخت نور الإيمان إبشري لأجل عين تكرم مدينه وإن في قلبي لك من الحب في الله الشئ الكثيروليس بمثقال ذره رجعت أشارك لأجلك أنت يالغاليه
أنا أشوف إن الرجل بطريقته هاذي يرضي أمه ويصدر صك إعدام لحياته الزوجيه وطاعته لأمه واجبه ولاكن لايبنيها على مستقبل بنات الناس إذا أمه خطبت له والبنت ما أعجبته ليش يجامل أمه ويوافق على هاذي البنت وبعض الأمهات الله يهديها إذا قال لها ولدها ما أبغى أتزوج عند هاذي العايله قالت له ليش تراني خلاص كلمت أم البنت لايكون ناوي تفشلني قدام الجماعه وأطلع عندهم كذابه والله تراني لأزعل عليك ولا أنا أمك ولا أعرفك فيضطر الإبن إنه يخضع لأمه ورغبتها وينسى إن هاذي حياته ومستقبله أما إذا الشاب شاف البنت يعني نظرها نظره شرعيه وعقبها قال لأمه يايمه البنت هاذي ماتصلح لي ولا أحس إنها دخلت قلبي وكما قالوا الحب من أول نظره وأنا بصراحه ما أبغاها وجلست أمه تون ون على راسه وش صار لك أنت تبغى تفضحنا تشوف البنت وعقبها تقول ما أبغاها بنات الناس
مولعبة بيدك وإذا بتسوي كذا ما أحد من البنات بتوافق عليك لوعرفوا إنك تنظر النظره الشرعيه وتهون وعقبها ما أحد يرضى يعطيك بنته أنت تبغى تسود وجهي قدام أهل البنت وتفشلني وش تبغاني أقول لأمها إبني مايبغى بنتك ماعجبته عا مسكين الولد بعد هاذا الدرس بيوافق وأنا ألاحظ دائما الأم ماتخطب إلا بنت أختها أوبنت أخوها أوقريبه منها يعني ماتركز على مواصفات ولدها للبنت لا تركز على صداقتها وقرابتها لأهل البنت ماتبغاها تهتز طبعا لوتزوج الإبن وماتوافقووظلم بنت الناس معه بعدين يختلق الأعذار هو و أمه هاذي الزوجه مقصره بحقوقي وماتفهمني ولا أحبها وأمي الله يسامحها هيه السبب بكل هاذا إللي يصير بحياتي وأمه تلقينها
ترقع غلطتها إصبر ياولدي إن شاء الله ينصلح حالها أنت سوى كذا لا وأترك وتجلس تامره وتنهيه كأنه طفل قدامها لأنه الرجال متعود على كذا من بداية مشواره في حياته حتى تنتهي حياته بظلم زوجته أو طلاقها والسبب تركه لأمه لتحكم بحياته وتختار له على كيفها أنا هنا أقول لكل أم أن تتقي الله في بنات الناس ولاتجامل على حساب حياة ولدها وبنت الناس إللي بتاخذها له لا والأدهى والأمر إذا كانت إنها تدري بأخلاق ولدها وتعامله سوى كانت سيئه أو حسنه بالنسبه لشاب إللي يطاوع أمه ويجاملها على حساب مصير حياته فهذا غلطان أمك حتى لو زعلت منك مهما كان فقلبها حنون وستسامح بسرعه ولن تؤذيك أو تدعي عليك لأنها تحبك وسترضى عليك
ولاكن ماذا ستكسب إذا تزوجتها لترضي أمك وقلبك لم يحبها وهي زوجه ليست مقصره في حقوقك وقائمه بجميع واجباتها وتسعى لإرضائك وراحتك وأم لأولادك وربما بعض الرجال يعامل زوجته بإحترام أماما أمه حتى لا يزعلها
ويحسسها إنها هي السبب في تعاسته ولاكن بعد غياب أمه أو موتها يذيق تلك الزوجه شتى أنواع الظلم وهي صابره ومحتسبه وخائفه على أبنائها من الضياع
وتجده يكيل لها الكلمات ويختلق المشاكل بينهم ويتذمرمنها ويخبرها بأنه تزوجها لرضا ء أمه فقط وليس حبا فيها ويجرحها في نفسها بقول الحقيقة وينسى العشرة والعيال وطاعتها له وإستقامتها في دينها ويتذكر فقط إنها من إختيار أمه وأنها فرضت عليه فرضا من قبل والدته وهذا ظلم وإجحاف بحق هاذه الزوجه المسكينة لماذا يحاسبها على شئ ليس لهافيه يد وإنما كان حضها بأن أم ذلك الشاب أختارتها لولدها لتضعها في قبظته ويتفنن في تعذيبها كيفما شاء بالذات إذا كان ذلك الشاب كان يحلم بأوصاف معينه في زوجته بالله يعينها عليه أحيانا بعض الأمهات تختار لولدها زوجه صالحه ودينه ولاكن إبنها مقصر في صلاته أو لايصلي يكذب يدخن صاحب مخدرات لعان وسباب لايحترم والديه فتروح أمه تبغى تعقله من طيشه وتقوم تخطب له هاذي البنت المسكينه وتجلس تمدح في ولدها حتى تشرق الشمس طبعا شئ أكيد القرد في عين أمه غزال أمه تبغى الفكه من شره وبلاويه تقوم تحذفه على بنت الناس المسكينه وتبليها فيه تبغاها تعقله وكأن مع البنت ذي عصا سحريه نست إن من شب على شئ شاب عليه إذا هي أمه حملت به ورضعته وكبرته ماقدرت تربيه وتحسن تربيته كيف بنت الناس المسكينه بتعقله من طيشه وهباله وهو رجل إيش كبره أقول لهاذي الأم إذاكنتي تدرين بأن ولدك غير صالح أن يكون رب أسره فلا تحذفيه على البنت المسكينه لأنه أي شئ بيصير لها منه تراه ذنب في رقبتك إلى يوم الدين وأقول لشاب إللي تزوج على كيف أمه وبعدها يقول ما عجبتني تراك إسمك رجل ورجل مشتق من الرجوله إذا كنت منت بكفؤ لكي تعيش حياتك مع من تختارها أمك وتتفاهم معها وتحبها وتعيشون حياة زوجين مبسوطين بدون منغصات وإذا كنت غير ذلك فأترك الزواج لغيرك من الرجال الأكفاء الذين يقدرون هاولائي الجواهر والدرر المكنونة من البنات الطيبين .
عزيزتي الغاليه نور الإيمان أنارالله قلبك ودربك بنور الإسلام ومشكوره حبيببي على ماقدمتيه وما ستقدمينه لنا هنافي هاذا المنتدى نحن في أنتظار جديدك وتسلمين يالغاليه على جهدك الذي بذلتيه في صياغة هاذا الموضوع الله يبارك فيك إن شأالله تعالى .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله