اسمحي لي أخي ( خلقك ضيق)

يعني ليشنه امها عصبت عليها اليوم على طلعتكم تفكر تسيب خطيبتك اللي تحبها ؟

عيل بكرة اذا صارت مشكلة مع زوجتك و اهي السبب فيها شنو راح تسوي فيها ( تذبحها؟)

يا أخي الأم خايفة على بنتها و الخطوبة تختلف من بلد للثاني يعني انتو يمكن عندكم ممنوع البنت تطلع مع خطيبها او مو متعارف لهالدرجة مع انه من حقك

هونها يا اخي ترى كل الأهل يمنعوا بناتهم مع تطويل الجلسة مع بعض و هذي مو مشكلة يعني اهي ما تعرضت لذاتك و لشخصيتك
اهي مجرد عاتبت بنتها على الطلعة و صدقني بعد الزواج راح يتغير رايك فيها

لا تخلي خطيبتك تجني ثمار غضب امها كفاية امها منكدة عليها و صاكة عليها فلا تضايقها انت بعد اكثر

بالعكس المفروض انك تحاول تستميل ام زوجتك وترضيها و تكسب صفها( علشان تأمن اذيتها )
و بعدين حاول تقلل من الطلعات مع خطيبتك اذا كان هذا يضايقهم و كثر من قعداتك معاها ببيتهم او ببيتكم اذا كان ممكن و الأحسن من هذا كله تقعد مع والد ووالدة حطيبتك و تكلمهم بهدوء انه هذي الأيام ما تتعوض مرة ثانية بالعمر و بنتهم محفوظة بعينك وقلبك انه ما يمسها سوء و تتعهد جدامهم انك تكون ملتزم بهالكلام للزواج و انه محد راح يحافظ عليها كثرك
لا تخلي اهلها من اللحين ياخذون فكرة سيئة عنك بالعكس خلك ذرب معاهم ترى يحطوك بعيونهم

__________________