هلا والله بالغالية نورة .. والله وانتي وكل الأعضاء وحشتوني وحشتوني وايد.
بتصدقين عاد؟ .. كنتو على بالي هناك وبعد بعض المواقف كنت أقول يوم بارجع إن شاء الله باخبرهم عن كذا وكذا
حبيبتي مجهزة موضوع طويل عريض عن رحلتي .. فجهزي مخدة لظهرج فديتج عشان ما تتعبين من طول الجلوس والقراءة
أما العزومة .. فما سويتها .. بس امي (أم زوجي) جزاها الله خير ذبحت ذبيحتين وسوت عيش ولحم وهريس وعزمت الأهل .. ووزعت على الجيران.
سلطان فديته كان يبا يستقبلنا في المطار .. بس للأسف الطيارة وايد تأخرت وما وصلنا إلا الفجر .. وهو فديته قام من النوم الساعة ست الصبح يدورني يشوف رجعت والا لا
ومهرة بعد كانت نايمة وقت وصولنا .. ويوم قامت الصبح وشافتني حسيت استقبالها عادي .. صح حضنتني وباستني بس كان سلوكها هو المعتاد .. يعني ما كأني غبت عنها أسبوع كامل
.. بس في الأيام اللي عقب حسيتها صارت ما تبا تبعد عني وتتشبث فيني كأنها خايفة اني اشرد عنها فديتها .. بس الحين الوضع مستقر والأمور عادت كما كانت .. شكلها اتطمنت اني قاعدة ما باروح مكان
و فديتهم اثنينهم ما سوست أسنانهم .. وأصلا كنت أتصل كل يوم بسلطان أتأكد غسل أسنانه عدل والا لا
.. وكنت ناوية أوديه لطبيب الأسنان بعد ما أرجع (كنت أحاتي سلطان أكثر لأنه ياكل شوكولاتة أما مهرة فما تاكل هالسوالف لين الحين) بس سبحان الله الأسبوع الماضي عملو لطلاب المدرسة فحص أسنان وأعجبو بسلطان فديته لأنه تبارك الرحمن ما عنده ولا سوسة
فديتج يا نورة وفديت لقافتج الحلوة .. والله على قلبي مثل العسل وارمسي مثل ما تبين ولين الصبح.
ربي يسهل أمرج ويسعدج دنيا وآخرة.