حبيبتي

اقوللك شيء


انا الان عمري 21 سنه ونص تزوجت وعمري 18 ملكت وتزوجت وعمري 20

وعندي 3 اخوات وحده بلجامعه و1 بعمرك و1 اصغر منك بسنه

عشنا مع ابوي اللي ماهمه الا نفسه وصحته يعني يمكن بنفس ابوك مايسئل عنا ابدا

يعني مايعاون امي بترتبيتنا لا انا ولا اخواتي او اخواني الصغار

شايل يده يجي من العمل
يجلس بغرفة الجلوس ع التلفزيون

وان جلسنا ع القهوه تلقينه يامعصب او يمزح لكن نادرا يكون يمزح للضحك ولكن يستهزى بي او بااختي او او الخ

واما عن الضم والحب نادرا تجدي ام تضم او اب يضم هذا هو العالم العربي
هذا بس عند الزوجين (يمكن بتضحكين لكن صدق )!

وان لقيتي فتلقين 1 من 100 رجال يضم بنته
وان لقيتي ام يمكن 5 من 100 ام تضم ولدها

وهذا هم متربين عليه الام والاب ثفلا تلومينهم لان ابوانهم واماهتهم ربوهم كذا

هم تعبيرهم وش يجيبون
وش يرشدونكم و ماينقصون عليكم شيء
يبونكم افضل ناس تلبسون وتاكلون

هذا هم تربوا عليهم
هذا هو تعبيرهم عن الحب

بيئتي
مشاكل بين ابي وامي والاكثر من ابي اللي معقد الامور غالبا ويضع امي بموقف محرجه ولكن انا المتزوجه اساعد امي بمعظم المواقف والله يزوجك وتساعدي امك

لاعم زين ولا خال زين كلن نفسي

ماقد ضمني ابوي ابدا ابدا
امي دعواتها دائما الله لايحرمني منها يارب
واشوف تعبها بتربيتها لااخواتي واخواني الصغار اكبرهم واحد بمتوسط

ولا احد قد ضمني ولا قالي احبك يابنتي لا ام ولا اب

لكن حنا الان نقول كذا يمكن من تاثير المسلسلات نشوف اللي تضم بنتها ونقول ياليت انا مكانها
وما حن دارين ان تربيت امي كذا
ويمكن بيئت امي
كانت قاسيه لايوجد شيء من اهلها غير افعلي وقومي
حنا مدلعين ياحبيبتي
موفرين لنا اهلنا كل شيء ونقول مايحبونا

المهم
ابي اوصل لك
حنا 4 بنات واخوات لم يعاون ابوي امي بتربيتنا
وعيشتنا مقاربه لك وللاغلبيه

فاذا ماحفظتي ع نفسك واخواتك فصدقيني
بتجيبن لننفسك واهلك يافضيحه لا قدر الله ولا تجلبين اخواتك لهلاشياء
شوفين حنا مافكرنا نروح نفيح نت ولا لعبة ونعاكس لاننا نخاف من السمعه ومن ربنا اولا ونبي الله يوفقنا بحياتنا

خلي الله امامك
امي كانت تقول لنا
اهتموا بصلاتكم لاجل ربي يوافقكم
لاتلسون العاري وهلاشياء لانها حرام ان تبون رضاء الله افعلوا هلشيء وان تبون رضاء الشيطان فسووا اللي تبونه
فسمعنا لها رغم اننا مراهقات وكانت تجيء مشاكل مع امي من هلالبسه
لكن امي تعبت بتربيتي وتربيتنا
بلهواش بلسوالف
ولكن
ابي ولا شيء

ومع ذلك شوفي اخواتي بعمرك والله يهتمون بلبس وشياكه وش الموضه
حتى لما اجيء عنددهم اتفاجئ بانهم يعرفون اكثر مني \
ههههههههههههه

لكن انتي ذا تبين مستقبلك زااااهر حلو
ويوفقك ربي بدراستك وزواجك

حافظي ع صلاتك
استغفري ربك
نظمي وقتك
ساعدي امك
ليرزقك ربي بلي تبين ويوفقك وتجدين السعاده بحياتك

واخواتك انتي تنتبهين لهم وماتكونين قدوه سيئه لهم
انتبهي لهم دامك تقولين انهم شافوني مره .....
وشوفيني ربي وفقني وتزوجت بزوج ولله الحمد مايبخل علي بشيء وهذا من دعاء امي
الله يحفظها
وسعديها بلبيت ونظفي المطبخ معها
لاجل تدعي لك ساعديها بئي شيء
نظفي البيت انتي واخواتك مثلي انا واخوتي يوميا نقسم البيت بييننا للتنظيف وتشوفين امي كيف تدعي لنا ونقول امين

خليك انتي قدوه لااخواتك وادعي بصلاتك بلتوفيق .

وامك وابوك هم يعبرون عن حبهم وعطفهم بلافعال وليس بلاقوال
وتذكري ان جابو لك شيء فهذا من حبهم لك .

__________________
اللهم فرج همي وهم كل مسلم ...