عزيزتي
اول شي احمدي ربك كل لحظة انك عايشة بسعادة مع زوجك و مع اهل زوجك و الله يديم عليك النعمه يا رب

ثاني شي في كل لحظة تفكري فيها بهالتفكير تذكري انه لك خوات مسلمات ما عندهم ربع اللي عندك

و ثالث شي نجي لحل المشكلة

دام انك عرفتي العيوب اللي تخليك تكرهي الشقة ليش ما حاولتي تغيري فيها

اساسا انتي مو راضية عنها ليشنه ما لك يد في تأثيثها و ديكورها صح؟
و طبعا هذا شي كريه انه غيرك يختار لك المكان اللي تعيشي فيه

اللحين مو مشكلة صار اللي صار و ما اعتقد انه زوجك بيمانع لو غيرتو بالشقة حتى الغرف ممكن تغيري فيها يعني بدل ما تكون غرفة نوم عند المدخل ممكن تخليها غرفة جلوس و ممكن تسدي المطبخ عن الممر بديكور بسيك

يعني في بدائل كثيرة و اذا ما كنتي انتي او زوجك عندكم فكرة اشلون تعدلون من طريقة البناء و من الديكور بحيث تخليه فرايحي و يشرح الصدر استعينوا بمهندس ديكور من اي محل للاثاث ترى المسالة مو صعبة خيتو

بس انتي لا تكدري حياتك و حطي ببالك انه كل مشكلة و لها حل

اما بالنسبة لتدخل اهله بحياتكم ترى هو مو تدخل او خل انقول مو عن قصد
بس دايما الأهل يحبوا يعرفوا كل شي عن اعيالهم علشان يتطمنون عليهم اكثر
و انا مثلك مريت بهالتجربة و ما زلت بس على قلبي مثل العسل يا بخت من يحصل ناس تحاتيه

يعني خذيها من هالجانب الايجابي بس تقدرين تحتفظين بخصوصياتك مع زوجك يعني تحطي خطوط حمراء للاشياء اللي تبينهم يعرفونها و للاشياء اللي ما تبينهم يعرفونها عنكم

يعني مثلا اذا صار سوء تفاهم بينكم الله لا يقول و دروا انكم متزاعلين لا تخبرينهم عن السبب و الأفضل انهم ما يعرفوا انكم متزاعلين طبعا لازم يكون فيه اتفاق مع زوجك مسبقا بهالأمور من البداية انه ما يدخل اهله في اي شي يخصكم و لا يقول لهم اي شي عنج الا اذا خبرش اما الأشياء العامة فعادي اذا عرفوا عنها مثل انكم بتطلعون يعني مو حلوة عايشين معاهم و لا يدرون انتو موجودين او لا؟ و هكذا
عاد انتي يسريها و هي تتيسر

__________________