الله يعطيك العافيه يادلوعه على هالموضوع والله أنا بصراحه الحين جالسه عند الدفايه والمكيف كمان شغال عالحار وعندنا برد الله لايوريك حنافي شمال المملكه خلاص برد شديد الله يعين وحنا لساتنا بأوله وحتى زيارتنا لطبيب بتصير كثيره بالذات مع هاذا الجو البارد أنا زوجي لوكنت أنا مريضه أو واحد من العيال لمايسأل الطبيب أنا أجاوبه زوجي ماعمره قاطعني أوتكلم عني وحتى لو زوجي تعبان وراح لدكتور ورحت معاه هم ما أنا مقصره لوبغاني أشرح لدكتور مرضه مستعده بس للأسف لوكان تعبان يروح لحاله ويتعالج ويجي بس من زود اللقافه أروح آخذ علاجاته إللي صرفوها له وأجلس أقرأها وطبعا مافيه علاج إلا وله أعراض جانبيه وأجلس أقوله هذا الدواء يجيب لك كذا وهذا يسبب لك كذا وهاذا أعراضه خطيره وذا يرفع لك الضغط حتى زوجي يقول أنا رحت أبغى منهم علاج ما أبغى أمراض زود على اللي فيه وأحيانا يترك العلاج ماعاد يستخدمه يوم أجلس أشرح له أضراره ومايرضى ياخذه إلا من بعد ما أقوله هاذي مجرد إحتمالات بس إشرب وتوكل عاالله هو الشافي المعافي أخوفه مسكين وبعدها أطمنه الحمدالله والشكر لله زوجي مايحب المستشفيات دايم يضغط على نفسه إلا لوحس إنه مره تعبان يروح حتى عنده مرض السكر ياخذ علاجه من الصيدليه وعنده جهاز فحص في البيت الله يشفيه ويعافيه أما بالنسبه لي أنا وعيالي الظاهر بنشتري بيت جنب المستشفى ونصير جيرانهاعلشان ما عاد نخسر بنزين سياره رايح جاي اليوم بس رحنا مرتين أول شئ إبني عنده إلتهاب بالحلق وكحه وثاني شئ بنت عندها نفس الشئ بس واحد باليل والثاني بالظهر والحمدالله على كل حال طبعا عندي بنت وولد عندهم مرض وراثي بالدم مزمن ونراجع عيادة الدم كل ثلاثه شهور وقبل المراجعه بأسبوع نسوي لهم تحاليل دائما
بأمر من الطبييب حقهم ويوم نروح الموعد عند الدكتور أبوهم مايسأل ويدقق مثلي بس يقوله كيف التحاليل
يرد الدكتور يقول زينه وطيبه مافيها شئ بس أنا أنط وأسأل كم نسبة الدم وكم نسبة الصفائح وكم وكم وهل فيه تطور وأمل في علاجهم في الطب والمهم الدكتور مايصدق يبغى الفكه يكتب لنا وصفة العلاج ويقول راجعونا بعد ثلاث شهور زوجي يقول لي وش بك جننتي الرجال بأسئلتك أقوله أبغى أتطمن على عيالي وتحاليلهم وش فيها لوسألته من حقي أسأله ويجاوب بعدها يسكت وأحيانا لم نروح لدكتور وأناتعبانه ويسأله الدكتور أحيانا يسأل ويتجه بوجهه لعند زوجي زوجي يقول قولي لدكتور وش عندك حتى عيالي لو مرض أحد فيهم وداه أبوه لحاله للمستشفى أقوله أنا من البيت وش الأعراض إللي عنده ولونسي شئ يدق عليه بالجوال أقوله إياه ويعالجه ويجيبه لأنه عارف إن الأم دايم هي الأقرب لطفلها طولت عليك يالغاليه وصدقيني زوجك هاذا عنده طبع بس تعود عليه خليه يقول إللي يبغى أهم شئ أنت أظيفي ملاحظاتك ولا عليك الله يعطيك الصحه والعافيه أنت وأهل بيتك يارب إن شا الله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله