ومن قال إن الأباء منزهين عن فعل الحرام مع بناتهم لا لا الأب الضعيف إيمانه إللي مايفكر إلا بنفسه وشهوته وما همه غير يقضيها وبس سوى حلال أوحرام حتى لوكان في أقرب الناس والعياذ بالله أنا بقول لكم سالفه ويمكن تقولوا كذب لاوالله ما أقول غير
الصدق عندنا بنفس منطقتنا فيه أب إغتصب بناته ثلاث شابات وكان يستمرفي إغتصابهم ويهددهم بالقتل لو فكوا فمهم بكلمه حتى إحملت واحده منهم سفاح وما أكتشفتها أمها إلا بالشهر السابع شافت بطنها فيوم الأم ضغطت على البنت وسألتها من غريمها قالت لها أبوي وهنا جن جنونها معقوله قالت لها مو أنا وبس بعد أخواتي مثلي بس الله ساترهم ما حملوا مثلي الأم شالت عبائتها
وعلى مركز الشرطه وشالوا البنات وحققوا معهم وأعترفوا إنه كان يغتصب الواحدة منهم تحت تهديد السلاح وكان قايل لهم اللي تتكلم فيكم أقتلها فيخافوا منه وأصدروا حكمه من المحكمه ونفذوا فيه حكم القصاص نسأل الله العفو والعافيه إذا كان الأب مريض مرض شهوه وقلبه وسخ ونتن ونظراته وكلامه كلها تعبر عن مابداخله من دنائه تجاه بناته وأبنائه فعذرا هذا أب حيوان وحقير والقتل في حقه قليل وأنا أقول لأخواني الرجال إللي ردو على البنت سابقا يا إخواني أنتم تضنون إن كل الأباء مثلكم شرفاء وأهل عفه وطهاره أنتم أخوان فيكم خير أنعم الله على قلوبكم بالإيمان
والهداية والصلاح نحسبكم كذلك والله حسيبكم في هاذي الدنيا يوجد الصالح والطالح والبنت ماجاءت هنا إلا إن القهر زاد عليها كيف إللي رباها وتعب وشقي عليها منذ الصغر ما عاد تحس بالأمان من ناحيته وصارت تخاف على نفسها من نظراته وطريقة كلامه هي لجأت إلينا تريد حلا ولاتريد تجريح وكلام عن تربيتها لأنها لولم تكن متربيه ما وجدناها هنا في هاذا المنتدى بيننا تطرح مشكلتها فارجو من الإخوان والأخوات الكبار بأن نعتبرها بنت لنا لجأت إلينا تأخذ برأينا وتطرق لدينا أبواب الحلول والإخوان والأخوات إللي مثل سنها يعتبروها أخت لهم وخلونا نساعدها كلن حسب مقدرته .
أنا أنصحك بالإبتعاد عن المبالغه في لبسك أوزينتك والأفضل مدام إنك في البيت أتركيها وخلك مثل ما أنتي عليه واللبس إبتعدي عن الضيق والشفاف والبناطيل قدام أبوك إلبسي واسع وفضفاض مثل ماقالت لك بعض الأخوات هنا وأنا أوأيد ردها ميه بالميه
وخليك قريبه من ربك بصلاتك وحجابك وأعمالك وأفعالك وأدعي ربك دائما) اللهم إني أعوذ بك أن أفتن أو أوفتن أو أضل أو أوضل (أبوك لوشاف إلتزامك يمكن يستحي شوي وماعاد يتكلم عليك
بالكلام الماسخ أبد الله يعينك هاذي المصيبه تهرب من الفتن بالشارع تلقاها داخل البيت ومن مين أقرب الناس لك
أبوك إللي المفروض يحسسك بالأمان والإستقرار وأنت معه ما أقول إلا الله يعينك ويهدي لك أبوك ويصلحه ويحط في قلبه الغيره على أهل بيته هاذا إللي عندي ولاتيأسين هنا يوجد إخوان وأخوات أحسن مني كفأه إن شاء الله يشوفوا لك حلول مناسبه وحلوه الله يوفقك لما فيه الخير والصلاح لك ولأهلك يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله