السلام عليكم ورحمه الله وبركاته ..

اتمنى تكونو بخير جميعا ...

يمكن فيكم من يذكرني ويمكن لأ.. دخولي للنت قليل جدا... وتواصلي معكم ايضا قليل ..

لكن والله كلكم في القلب ...

مبروك لكل من انجبت ... ومبروك لكل حامل...

آخر مره كتبت لكم انه زوجي وافق نفحص ونشوف سبب تأخر الحمل .. لكن مدري وش صار له وغير

رأيه ... في قلبي غصه وألم ...

تحملت لي اكثر من خمس شهور ... اكبت في نفسي ومن يروح للدوام يبدأ الحزن ..

انا موقنه انه ربي بيرزقني ان شاء بالذريه ... لكن من حقي اعرف السبب اللي اخره ...

زوجي قاهرني .. حياتنا ولله الحمد مافيها مشاكل ابد ... لكن لما ابدأ بالكلام عن الفحص يثور!!

انا الحين عمري 29 ولي سنه و9 شهور متزوجه ...

من حقي اكون ام ..احمل... واتعب... واربي ...

مافيه شي مستحيل على رب العباد ... لكني مع حاله زوجي يأست وربي ...

اكتب لكم ودموعي على خدي من الالم والحسره ...

صارو الناس يعايروني يقولون مثل اختها ماراح تحمل..

مايهمني كلام الناس ..

لكن انا انسانه لي احساس وانجرح ماني جماد ياناس

صرت ما اطلع لأحد ولا اشوف احد ... بس بيت اهلي .. لكن للضرورات اطلع ...

ماكنت حساسه لهالموضوع ... والحين صرت حساسه كثر ...

في قلبي اشياء كثيره بس مابي تقولون جايه تشتكي ... لكن مالي غيركم خوات وانتم اللي تحسون

فيني ..تعرفون كيف احساسي ...

حسبي الله ونعم الوكيل...

دعواتكم انه ربي يحنن قلب زوجي ويهديه ويصلح حاله ...

آسفه يابنات اني طولت بكلامي ..





استغفر الله الذي لا إله الا هو الحي القيوم واتوب اليه ...

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "