منتدى عالم الأسرة والمجتمع - عرض مشاركة واحدة - ماهي ردة فعلك تجاه سفر زوجك بدونك

11-12-2010, 03:39 AM

آنثى ـآ

عضو دائم

تاريخ التسجيل: Dec 2010

المشاركات: 54

بالنسبه الي ازعل واتضايق مره ..
خاصه لو بيسافر للخارج .. خير ان شاءالله وانا زي الاطرش بالزفه .. حتى انا كمان انسان ومحتاجه لراحه لو ماكنت اداوم وجالسه فالبيت .. فمابالك لو كنت اداوم .. لو يسويها ويروح والله ازعل ولا ارضى الا لما يعوضني على قولة اختي ناني ..
على فكره زوجي مره سافر ليوم واحد .. على قولته انه بيروح للمدينه الفلانيه بالسعوديه طبعا .. وانا زعلت وتضايقت وجلس يقنعني وقال يوم بس وان خويي عازمني هناك ومدري ايش ووووو المهم كانت وقت اجازة قلت يلا معليش روح وانا عند اهلي مبسوطه .. رجع من بكره على طول وانا للان مصدقه انه رايح لمدينه بالمملكه .. بعد يومين سبحان الله جلست اشوف جواله .. صدفه طحت على صور له ولاخوياه هناك .. لقيت الاخ رايح ياللامارات وا البحرين وحده منهم بس للان ماتأكدت .. المهم انا مازعلت وقتها .. تصرفت طبيعي .. بالليل انقلبت عليه وقعد يحلف ومدري كيف ... انا ماهمني يروح للي يبي بس ليش يكذب !!!!
انا زعلت وعصبت لانه اخذني على قد عقلي وكذب علي .. وربي للحين انا محتره وكل ماتذكرت ضاق خلقي
بس انا متأكده انه طالع برا السعوديه وهو يحلف انه ماراح برا !
عاد انا ماحبيت تكبر السالفه ورضيت وكأنه شي لم يكن .. عقب قلت لاختي وجلست تهزأني تقول انتي غبيه ليش ترضين مفروض كملتي زعلك لين يعترف لك .. قلت مدري رحمته قالت انتي اللي ترحمين مب هو

وش رايكم بالله !!
هل من جد انا اللي انرحم ؟ ولا اللي سويته كويس .. لانه مابي عقب يستمر بالكذب معي وياخذها عاده ويحسبني بصدقه بكل شي ..

< ( سامحني دلوعه مودي .. قرقرت واجد وبعد اذنك سؤالي هذا بس حبيت استفيد من موضوعك بحل موضوعي

)