مرحبا دكتور
حابه اخذ رايك بموضوع
في شهر ابريل 2009 من العام الماضي خلال فترة الدوره الشهريه شعرت بحكه داخليه ..توجهت لطبيبه واخذت مني مسحه مهبليه + عينة بول واتضح انه عندي التهاب في المهبل والبول من بكتريا اسمها ستربتو كوكاس streptococcus كتبتلي على مضادحيوي زينات + مرهم داخلي دالاسينdalacine وحبة ديفلوكان ..
جاتني االدوره اللي بعدها واتكرر نفس الشعور حكه داخليه خلال ايام الدوره فقط
اهملت الموضوع شهرين خصوصا انه مش كنت بشعر خلال الشهر باي حكه باستثناء ايام الدوره كذلك مش كنت بحس بالم في الجماع ابدا..
بعدها توجهت لطبيبه اخرى وكشفت علي وقالتلي اني اعاني من قرحه عنق الرحم
عملتي اولا pap smear والحمدلله لم تجد خلايا خبيثه + عملنا فحص افرازات المهبل ولقت انه عندي ستربتو كوكاس + فاجاينوسيس + فطريات..
اخذت فلاجيل + ديفلوكان
بعدها بشهر راجعت طبيبه مشهوره وكشفت علي وقالت انه شكل القرحه متوسط السوء ومش حتقرر نعمل كي لها او لا الا بعد ما نعمل تحليل لها جديد ..
عملنا التحاليل ووجدنا انه عندي بكتريا ستربتو كوكاس لسه في المهبل والبول وقالت انه نتيجة مسحة قرحة عنق الرحم طالع
minor infection
وكتبتلي مضاد اوجمانتين + تحاميل البوثيل
وقالت حنحاول مع القرحه بالادويه اولا طالما انه نتيجة القرحه مش شديد
وطلبت مني متابعه شهريه للقرحه عشان نشوف مدى استجابتي للدواء
اخذت العلاجات + مضاد اضافي كتبته بعدين بس ناسيه اسمه اظن زتروماكس وصرت اروحلها كل شهر ولمدة 6 اشهر والحمدلله مش بنلقى التهاب لا في المهبل ولا في البول ولكن القرحه مش بتتحسن ولا بتسوء واقفه في محلها
وقررت انه نكويها خلاص
وكنت بستنى الدوره تيجي عشان بعدها مباشره نكوي لكن سبحان الله صار معايا حمل
فقالت الطبيبه خلاص نحط الموضوع على جمب الى ان تولدي بعدين نرجع نشوف موضوعها ...
وخلال فترة حملي حملي كمان بشكل مستمر بنعمل مسحه مهبليه + مزرعة بول عشان لا يرجعي الالتهاب والحمدلله النتيجه دائما نظيفه
انا محتاره الان هل اكوي القرحه بعد الولاده ولا اطنش واستمر فقط بالمتابعه؟
هل هرمونات الحمل والولاده رح تاثر على القرحه؟ يعني في احتمال القاها راحت بعد ما اولد وفي احتمال القاها صارت سيئه؟
هل بكتريا ستربتوكوكاس هي اللي سببتلي القرحه؟لانه قبل ما اكتشف القرحه بكم شهر كنت عامله كشف مهبلي وكان كله تمام ..
ملاحظه : زوجي كان ياخذ معايا الادويه في كل مره اتعالج فيها..
شكرا لك.
__________________
الى جنات الخلد يا امي
والله ما غابت دقيقة عن العين أمشي مع العالم وقلبي معاها