منتدى عالم الأسرة والمجتمع - عرض مشاركة واحدة

14-12-2010, 07:01 PM

نبض الدان

قلم وفي

تاريخ التسجيل: Aug 2009

المشاركات: 1,524

كأنك أنا جالسة اكتب قبل 4سنوات
تماما لما كان لنا 3 سنوات
بنفس السيناريو بالضبط وبكل التفاصيل
حتى مقعد السيارة نفسه بحذافيره حصل لنا بس الزيادة ان بنتي بكت بالطريق ولف السيارة بسرعة وعطاني اياها بقووووة
ممكن اسم زوجك لايكون متزوج علي

شوفي ياعسل
أول شيء كثري استغفار
ثاني شيء ادعي وادعي وادعي ملك القلوب ييسرها لك
ثالث شيء

انتي حساسة جدا صدقيني ولابد تعرفين هالشيء عندك
يعني عندك حس مرهف ورومانسية وتحبين الحياة الوردية
بس هي كواقع غير موجودة
انظري لحياتك بس منظور آخرـمنظور واقعي
ربي وهبك زوج كريم جدا ويخاف الله فيك ويراعي بنتك مجرد انه ماقصر هذا دليل الحب
لأن تعبير الرجل عن الحب يختلف تماما عن المرأة
بالنسبة لدموعك
تصرفه جدا طبيعي
انت لو قريتي كتاب الرجال من المريخ والنساء من الزهرة كان الدافع لتأليفه الكتاب موقف مثل موقفك كانت زوجته تكبي فهو طلع عن البيت لأنه كرجل يحب يتصرف الاخر نفس التصرف لو مر بنفس الموقف لكنه تفاجأ أن زوجته تضايقت من ردة فعله
فأنت لا تنتظرين منه الحنان لأن هذا ينتمي لنا

اما المشاركة
فطبعا مستحيل تكون بكل تفاصيل الحياة لأنكم شخصين مختلفين
بس فيه اشياء مهمة مثل مواعيد النوم والاكل وجلسة القهوة او الشاهي
وهذا مايصير الا بالتعود
يعني لما يروح ينام لاتنتظرينه يناديك>>أتذكر واحد بالمنتدى زعلان انه يدخل ينام ولا تنام معه زوجته يعني ينتظرها تجي من نفسها
فأنت لما يدخل ينام ادخلي معاه لحد مايتعود بما انك تحبين تشاركينه بادري ولاتنتظرينه يبادر
تحبين تكون بينكم ملامسات بادري ولو بشكل غير معلن
لاتحطين حواجز بينكم يمكن مثل مانتي تنتظرين هو ينتظر بس هو رجل وهالاشياء صعبة عنده غير عن عندك
ولاتنتظرين ترحيب حار خصوصا بالبداية
بس شوي شوي لحد مايتعود

الله يسعدك ويوفقك يارب