( حلـــــم حــــي)
ليه يا أختي كل هالتشاؤم ؟؟ والله 27 صغيرة ، ترى كل الدنيا تغيرت والآن تغير سن الزواج بسبب ظروف الحياة و قليل اللي تلاقينهم يتزوجون بدري ، المستقبل قدامك ونصيبك بيجيك لا تستعجلين على رزقك ، يمكن الله مخبي لك خير وعند الله كل خير ،، وبالنسبة لكلام الكبار سواء الوالد والوالده أو الأقارب لازم يحز بالنفس بس انتي خذيها من سبيل المداعبه ، وما أنسى كلام عمي الله يطول بعمره كان يضحك ويسولف ويلاطفنا بسبب تأخر سن زواجنا انا وخواتي وبناته ، والحمد لله على كل حال تزوجنا ، وصدقيني يمكن في قعدتنا كانت لنا خير وما وصلنا للي وصلنا له الآن من أمور كانت متخبيه لنا والحمد لله على كل حال ، فيه اللي ما تزوجت وفيه اللي تزوجت وفيه اللي تطلقت وفيه اللي تعلقت و فيه اللي لا زالت متزوجة وما توفقت كل حياتها مشاااااكل واللي توفاهن الله ،، الإنسان ما يدري وين النصيب ووش اللي الله كاتبه ، والحمد لله على كل حال ،، الله يرزقك ويوفقك ويكتب لك اللي فيه الخير ..

__________________