المشاركة الأصلية كتبت بواسطة احلاهم واتحداكم

اهتمي فيه.. ولا تحاصريه..يعني كثفي الاهتمام بدون محاصرة..

يعني دلعيه..جهزي له اللي يحبه.. املي عليه البيت ..اكشخي.. غيري ..جددي.. مو بس له حتى لنفسك انتي..
بس لا تعاااااااااتبينه نهائي..

أصبري فترة مو أقل من سنة خلي يتعود على جوك ووناستك واهتمامك ..

بالنسبةللإتصال اتصلي عليه مرة وحدة تسألين عنه وباقي الاتصالات خليها سريعة وكانك تطلبين منه يجيب معاه شي وهو جاي..
ممكن لو تتصلين تعطينه نكته توك قاريتها أو سامعتها ..

أو مو موضوع ضحكك اتصلي وقولي له.. مادام ماعنده شغله بمحله.. لا يحس انك متصله تسألين عنه..

خليه يحس انك وحدة فرفوشة وونيسه وواثقة من نفسها.. مو وحدة نكدية وتدور العتاب والمشاكل!!!!

وإذا تمكنتي ووثقتي بغلاوتك هذيك الساعة عاتبيه واطلبي امنياتك منه.. ومجرد يحس انه بديتي تقللين من اهتمامك فيه هو بينهبل ويشوف شنو عندك ؟؟وشفيك متغيرة عليه؟؟وبيقعد يطالع بخاطرك.. بس لازم تصبرين مو يوم ويومين لا اصبري سنين وشوفي..

وبنفس الوكت موتركزين بالاهتمام فيه لحاله .. لا اهتمي بنفسك بعد.. ودلعيها وونسيها بس موعلى حساب زوجك..
ولا تطلبن من زوجك يونسك.. انت ونسي حالك..
يعني روحي لاهلك.. ارتبطي بصحباتك.. بوقت مايكون هو مرتبط بأصحابه..

المشاركة الأصلية كتبت بواسطة mayooyaaz

موضوع الغيره والاهتمام لا شك مرتبط بدرجه حب الاخر وقد لا يكون زوجك قد أحس بحب لك بعد
لا تزعلي
احبيه واعطيه دون مقابل او انتظار واصبري علي ذلك
حاولي تغيري نفسك للأفضل في كل شئ
حاولي تجذبيه بكل الوسائل دون يأس وكأنك في منافسه تريدي ان تكسبيها
الجأي الي الله بالدعاء في كل سجود وفي جوف الليل ان يجملك في عينه ويحببك اليه
توكلي علي الله وخذي بالاسباب حاولي ان تكون لحظاته معك امتع من وقته بالخارج
كوني متجدده واقرأي وتثقفي وابحثي عن الجديد في الافكار وفي كل شئ وشاركيه اهتماماته
اشغلي وقتك دائما ولا تجعل سعادتك وتعاستك تتوقف عليه
وتذكري ان الكوب اذا امتلأ فاض حوله
فاملأيه حتي يفيض عليك بكل ما تتمني

المشاركة الأصلية كتبت بواسطة 3thooooooob

اختي هو واحد من اثنين
اما انك انتي من طيب خاطر تبادرين وتتصلين عليه وتسولفين وياه عن يومه .. وكلمات حلوه الله يعطيك العافيه .. بانتظارك الغالي ..
وبالتالي تعودينه علي اتصالاتج.. وسماع صوتج في نفس الوقت يوميا .. منها قلبج بيرتاح وبتتطمنين عليه .. ومنها يمكن يتعود علي اتصالاتج ويبادر ...
او انج ما تتصلين .. وتبردين قلبج ... وهني اما هو بيبادر ويتصل .. ولا بيرتاح من عتبج اليومي ..
وانا اشوف خلج ايجابيه واتصلي يوميا عليه و حببيه في اتصالاتج بدون عتب .. سواء اتصل هو او ما اتصل .. وخذيه من مبدآ انه هالحركه تريحج انتي

اما موضوع جلوسج وحيده .. فطبعا يبغيلها حل
لانه الوحده تخليج اتدققين علي سلبيات حياتكم اكثر وتكبرينها

المشاركة الأصلية كتبت بواسطة حلم الأمان