منتدى عالم الأسرة والمجتمع - عرض مشاركة واحدة - زعلانين من اسبوع من الحق معه أريد ارئكم (مستجدات بــ 25)

18-12-2010, 09:12 AM

في رجا الله

قلم وفي

تاريخ التسجيل: Dec 2005

المشاركات: 301

السلام عليكم ورحمة الله وبركااته
النقطة الرئيسية في موضوعك أنك تبين زوجك الي هو يرااضيك , صدقيني أغلب الأزوااج مايعتذرون أعتذار لفظي , يعني أنا آسف وحقك علي ومن هالكلاااااااام مادامت المشكلة بسيطة, بالضبط نفس أسلوب زوجك يتكلم ويضحك ولاكن صاار شي أو يجيب معه عشاءأو تمشية، يعني أعتذاره حسي مثل ماقالت الأخت شقردية .
ونصيحة لاتسمعين نصيحة الأخت أو الصديقة الي تقول لك خل شخصية قوية ولاترااضين زوجك , لابالعكس رااضيه باسلوبه هو يعني تكلمي ومشي الوضع عاادي , وأنا متأكدة أنك متأزمة أكثر منه ودك تتراضون بسررعة أكيدملتي طولت فترة الزعل

.

ونصيحة أخت بااعها في الحياة الزوجية أكبر منك لاترفعين صوتك على زوجك وإذا كاان زعلان لاتجاادلينه ولاتستفزينه حتى لو كاان غلطاان أسكتي وأطلعي من المكان الي هوموجود فيه لين يهدا, ولاحظي لولا أستفزاك له ماكان غلط عليك ومع تحفظي عل كلمته لكن أكيدطلعت منه لا شعوريا , ودائما أنصح أي أخت تتغااضى علشاان الحيااة تمشى .

بعدين زوجك صفااته طيبة , أحمدي ربك على النعمة , وعيشي حياتك مثل مااهي صعب أنك تغيرينه ولامن صالحك أنك تغيرينها بعد 10 سنواات , ومشكلتكم مااهي مشكلة ياليت كل المشااكل مثل كذا كان الأمر هين .

وقبل لاأنسى رااضي زوجك لله ولاتتركينه يناام غضبان عليك , موترااضينه عشاان الروحاات والمشااوير .