المشاركة الأصلية كتبت بواسطة بنت الحكمي

أثاري المعارك هنا حاميه وأنا مادريت إلا الحين بصراحه لي فتره وأنا أقرأعنوان الموضوع ومافتحته على بالي مخصص للمعددين وقلت وش لي به الحين الرجال المعددين كل واحد يصدح بأرائه وحلوله ونصائحه فقلت هاذاموضوع مجرد أسئله للمعددين الرجال مالي دخل فيها بس ذبحني الفضول وفتحته وقرأت كل الردود بكل الصفحات حتى آخر صفحه وأنذهلت صراحه ماشفت ولامعدد
رد مره ليش ماأدري عجيبه مايدخلون إلا إذا الواحد عنده مشكله بين زوجاته بيحلها
أو يتشاور ويجيب أعذار زوجتي الأوله بارده ماعندها إحساس ماعندها إهتمام لسانها طويل معيشتني بنكد معاد قدرت أصبر عليها طبعا ردود الحريم أصبر عليها أحتويها الحرمه مسكينه وإنسانه ضعيفه
لاتجرحها يمكن فيه شئ مضايقها حاول تتفاهم معاها وتعرف ليش تعاملك كذاولو قسواالحريم عليهاشويه قالوا أهجرها طنشها حتى تحس فيك ويكتفون بكذا وطبعا يجي العنصر الرجالي يرد فارد عضلاته تزوج عليها كسر راسها أقهرها خلها تتعدل وتعدل نفسهاوتسمع كلامك يارجال الشرع حلل أربع. عادبعض الرجال يجلس يحك راسه ا لزوجه الثانيه والله فكره حلوه يالله بعد مافقع مرارة الأولى قام يدور له وحده ثانيه يبغى يلعوزها معاه وماهمه شئ أهم شئ يبسط نفسه ويسعدها ويجي عند الأولى فلانه أحسن منك سوت لي وفعلت معها أحس براحه نفسيه وأحس إني عايش بحلم عندها فهنا الأولى تموت قهر وغيظ وحسره من كلامه وتبتدي التعديلات وتشغيل كل الإمكانات لذجذبه لها وحضرته يروح لزوجته الثانيه ويقول لها أنت ماتفهميني ولاعمرك رايحه تفهمي آه آه أم فلان وبس الوحيده إللي تفهمني وتحس فيه ونتوافق أنا وياها في كل شئ وأحس إن كل يخطرفي بالي يخطر في بالها تسوي الشئ قبل لا أطلبه منها وهنا تتحطم نفسية الزوجه الثانيه وتبدأ تحس بأن وجودها أنتهى في حياة هذا الزوج وإنه بمقارنته لهابزوجته الأولى كسر شئ بداخلها وتحس من كلام زوجها كأنه يقول لها خلاص أنا لم أعد بحاجتك الآن زوجتي موفره لي كل شئ فهاذي الطريقه كثير من الأزواج المعددين يستخدموها على بالهم بتخدم مصالحهم عند زوجاتهم وأنا سمعت مره لزوجة معدد هي زوجه ثانيه موظفه مديرة مدرسه وزوجته الأولى كانت معلمه في نفس المدرسه إللي مديرتها زوجته الثانيه وكان يقضي يوم عند هاذي ويوم عند هاذي وكان لوراح عند زوجته الأولى يقول لها والله فلانه هاذا الشهرماقصرت معي أعطتني نصف راتبها ساعدتني فيه تقوم هيه تعطيه الصرافه كلها وتقوله خذ يابعد عمري هي مي بأحسن مني أسحب الراتب كله وخذه كله لك هو وش يسوي يروح لزوجته الثانيه ويقول فلانه ماعرفت محبتها لي إلا اليوم تصوري شوفي أعطتني صرافتها وقالت خذ راتبي وسددفيه ديونك كلها الله يجزاها خير زوجه وفيه قالت زوجته الثانيه وأنا وين رحت حالفه عليك إلا تاخذ صرافتي وتاخذ راتبي كله أنت زوجي وأبو عيالي لو ماوقفت معك مع مين أوقف غيرك رد عليها ماكنت أتوقع إنك أكرم منها طبعا هذا الزوج هدفه مادي وجلس يضحك عليهم بأسلوبه هذا وبصراحه أنا الحين مشغوله كثير ولي رجعه للموضوع إن شاءالله تعالى .