اهلين اختي انفاس العطور..

بصراحة ما اعرف ايش المشكلة عندي بالضبط بالعكس ما اجلس كثير على التلفزيون ولا النت..
لانه ما احس نفسي فاضية.. بحكم انشغالي بالعمل والدراسة احس تاخذ معظم وقتي وبعدين اعمال المنزل..
عندي شي ثاني احس اني من النوع يلي يحب يساوي كل شي على اصوله وبالدقة.. يعني احس اني بطيئة شوي في انهاء المهام وممكن اشياء تستغرق معي وقت كثير وهي ممكن انهاءها بسرعة..
واذا راح ابدأ بالأهم والأقل اهمية راح اقول لك كل شي عندي مهم.

كنت من فترة متبعة مع نفسي طريقة اني من الصباح اسجل كل شي راح اسوية في اليوم ولما انتهي منه اشطب عليه ببس بصراحة بالنهاية طفشت من هذه الطريقة وحسيت انها تساويلي توتر زايد خصوصا اذا ما انهيت كل يلي سجلته بنفس اليوم.. وبالنهاية تركتها..

لا عزيزتي طولي وخذي راحتك .. ومنكم نستفيد..

شاكرة مرورك الكريم..
بارك الله فيك ..