السلام عليكم اخواني اخواتي
بصراحة مب عارفة شو اقول لاني مهما اوصف لكم مدى معاناتي بالكتابة ماراح تبرد قلبي التعيس
مب قادرة اخبر اهلي و قلت اخبركم انتو لاني اعتبركم بمثابة اهلي و الله يشهد
و انا اكتب موضوعي و دموعي ما بغت توقف من حزني الشديد على وضعي و رجائي انكم تقرؤو موضوعي و تخبروني بأراءكم الله يبارك فيكم جميها انشاالله
بصراحة انا متزوجة من 3 اشهر تعرفت على زوجي عن طريق النت كلمني مدة 15 يوم و تقدم لي انا قبلت فيه بكل عيوبه مع العلم انه متزوج من ثانية ..بتقولون ليش قبلتي فيه ردي بيكون لان عمري 28 سنة و خفت اني اعنس في بيت اهلي و اصير علكة في لسان اقاربي مع العلم اني حلوة و موظفة.. اهلي يوم شافوه ما قبلو فيه بس اقنعتهم لين وافقو و سوينا الملجة عقب الملجة هذا و بعدنا ما عرسنا قمنا نتنازع واايد على اتفه الاسباب و هددني بالانفصال يوم كنت اقول حق اهلي انا ما ابغيه خلاص بطلق منه يقولون لي تبين تفضحينا جدام الاهل والاقارب ولا شو مافي طلاق منو اللي بغاه اول يوم مب انتي المهم قمت اتنازل و ارضخ لكلامهم لان انا اللي يبته حق عمري.
و بعد شهرين من الملجة عرسنا و هذا 3 شهر لنا مع بعض مرو علي كانهم 30 سنة معاه ( معلومة بسيطة كل يوم يبات عندي مب عند زوجته 1)
اول شهر سافرنا فيه اسبوع و ردينا بحجة دوامه و كان معاي اوكي قلت معلش دوامه اولى
ثاني شهر بدا دوامي و سرنا نفترق كل يوم الصبح كل واحد في دوامه لين المسا اول كان يرد البيت ساعة 7 و شوي سواها 8 و شوي صارت 9ونص و الحين صارت 11 يعني نفطر و نتعشى مع بعض
و المــــــــــــــــــــــــــشــــــــــــــــــــ ــــــــــكــــــــــــــــــــــــــل الا هـــــــــــــــــــــــــــم هو
ان زوجي يرد بالليل متاخر يتعشى و ينام حتى بوسة او حضن مجاملة مافي.. كلمته مليون مرة في الموضوع قلت له يا اخي هل تعتقد اني اعيش مرحلة عروس يديدة ما اظن حس فيني يا اخي يقولي شو تبغيني اسوي لج انا ايي تعبان من الدوام ابغي احط راسي و ارقد و طافو هالشهرين مثل الجحيم كل يوم ضرابة مرة و نحن راقدين و هو ولا كاني جنبه عصبت و قلت له انا مو متزوجة ريال انا متزوجة لوح شو يا اخي تبغيني اقولك انا ابغيك عشان ترتاح و تحس برجولتك و تدلني يعني شلت فراشي و رقدت في الصالة
و صار ت حياتي جي طول الاسبوع دوام و اكل و نوم و يوم يي الويكند انتظره يقولي تعالي نطلع نتغدى برع ولا انشاالله نتم مع بعض في البيت بدون اكل لا طبعا اول ما يفطر يقولي هااا اليوم بتسيرين عند اهلج صح ترى انا عندي موعد مع فلان ولا عندي شغلة اسويها و دوم يتحجج ولا في ويكند قضيناه مع بعض يعني اليوم اللي نيلس فيه بالبيت بعد ما يعطيني ويه انا مستحية اقول لكم انه في شهر كامل سوينا 3 مرات بس و هذا الموضوع يخليني احس بكئااااابة كبيرة و حزن في قلبي حياتي مافيها ولا درة حنان ولا نوع من العاطفة والله العـظـيـــــــــــــــــــــــــــــــــــــــــــ ـــــــــــــــــــــــم تعبت تعبت تعبت
فكرت في الطلاق و هو عنده مسالة الطلاق شي هين و دوم يقولي اذا مب عايبتج هالعيشة خلاص نفترق بالمعروف بس افكر باهلي و المجتمع بيقولون لي انتي اللي يبتيه و بغيتيه فتحملي ما يخصنا و فعلا هذا هو كلامهم يوم اشتكي لهم حتى صرت اخبي اي شي داخلي انا خلاص انتهيت صرت اكره شي اسمه زواج لاني مب حاسة اني متزوجة مثل ما يقولون عايشة و كاني في سكن مشترك مع شخص تجمع بينا ورقة في المحكمة بس دلوووووني على الحل الله يخليكم تراني تعبت و رموشي طاحت من كثر ما ابكي
انا تعبااااااااااااااااااانة نفسيا و جسديا و معنويا ابغي مساعدتكم الله يزجيكم بالخير