الله يفرج همج يالغاليه ... اولا خلي كلام الناس في كيس واربطيه وارميه في اقرب زياله ( كرمكم الله )
وين الناس وكلامهم يوم انتِ طايحه بمشكلة مثل هذي ؟؟ حبيبتي .. زوجج اظني انه عارف انج مستحيل تنفصلين
علشان جذي الموضوع عادي عنده .... ما بطرق معاج لموضوع اختيارج الغلط وتجاهلج لعيوبه يعني رجل متزوج شو
يسوي في النت ؟ لكن اللي صار صار ... والحين عندج هالحلول :
1
تفاهمي معاه على الامور اللي تبينها منه بجديه .. بدون بكاء او ضعف .. وذكريه ان مب من حقه يعاملج هالمعاملة بس
بدون صراخ او شجار ..
2
ما دام ان يقضي الوقت معاج اكثر ... انشغلي معاه .. اذا قربت الاجازة .. ارسلي له بطاقة او مسج بأن اليوم الفلاني
بالساعة الفلانية نلتقي في المكان الفلاني ... وسوي له أي مفاجأة ... دعوة لمطعم - قضاء اليوم في فندق - جلسة
مساج له - رحلة بحرية بالساعات مع عشاء .. وغيره
3
لا تكونين طول اليوم متضايقه ونكديه وتتشكين ... خليج مبتسمة دوم تراها تأثر على اللي حولج .. استقبليه بحب
وودعيه بدعاء وحب .. لا تتصلين فيه وايد يوم بيكون خارج البيت .. لا تطلبين منه العلاقه ... بادري انتِ وطلعي كل
الرومانسيه والحب اللي فيج .. ان شاء الله يحس .. زوجي يقول ان الشيء اذا طلبتيه وما حصلتيه انتزعيه ..
وقوي نفسج حبيبتي ترا محد بيدافع عنج وبحميج غيرج انتِ ..
4
لا تلزقين فيه بيمل منج .. اذا وصل البيت استقبليه وجهزي اكله .. وبعدها انشغلي بأي شيء .. شوفي شو اهتماماتج
وهواياتج وانشغلي فيها عنه ... صدقيني مرة و 2 و3 بيحس بالتغيير ..
5
جربي حبيبتي هذه الطرق واكثري الدعاء في قيام الليل .. واذا ابد ما وصلت معاه لأي نتيجه ... دخلي حد من اهلج
يتفاهم معاه .. وما عليج من كلام لا قريب ولا بعيد ... حياتج وراحتج اولى ...
والله يفرج همج ويوفقج ويهدي زوجج يارب ..