غدرت فيني وتريد الرجوع مرة أخرى فهل أقبل ؟؟!!
مســآء / صبـــآح الورد عليكم جميعـــآ
منتدى مميز وأعضاء مميزين جــدآ
عندي مشكلة وحابة أسمع رايكم فيها
ربما حد فيكم يقدر يغير وجهة نظري
ويخليني أغير مسار تفكيري
الموضوووع :
آنا عندي صديقــة حميمة وغآليــة على قلبي معرفتي بها لأكثر من 6 سنين
يعني عشرة طووويلة
تعرفنا من أيام المدرسة وصرنا أكثر من خواات
حياتنا مع بعض وكل شي نقووله لبعض
لدرجة غن حتى الناس ما يشوفونا إلا دايم مع بعض
يعني كنا توأم تقريبااااا
المهــم , مرت الأيام وصديقتي ( اللي كانت صديقتي ) رشحتني لواحد من نسايبها
والحمدلله تم التووفيق وانخطبت له ..
مرت فترة مش كبيرة , وجاتني صديقتي في يووم تخبرني عن موضووع
إن في وحدة من ربعنا تبي تعرفها على واحد مشان علاقة زواج يعني
بس تتعرف عليه أول
و خبركم احنا في البحرين وايد عندنا مساحات وأماكن مختلطة
آنا نهيتها عن هالأمر وقلت لها إن هالشي غلط
لو الشخص يبيها ممكن يتقدم وخلاص
هي قالت إن هو يقول يبي يتعرف عليها يكلمها فترة بسيطة
مشان يعرفوا صفات بعض
يشوفوا لو هم يصلحوا أو لا
و هي كانت موافقة !
تناقشت معها وعطيتها رايي
بس بكل اسف هي كانت مصممة
وطلبت مني الوقووف معها
وآنا ما خذلتها طبعا
وقفت معها وكلمت هذا الشخص و وضحت له موقفي
هو تفهم بس قالي آنا ما أبي أخذها كذا
وجم يوم وأطلقها
حاب أتكلم معها أعرف طباعها وعقب بخطبها
طبعا مرت الأيام والشخص هذا تتوالى مكالماته لصديقتي
ثم خلته يجي للجامعة ويقعد معهاا
وتطلب مني الجلووس وياهم
طبعا الجامعة عندنا مختلطة يعني المكان عااام
كنت ألاحط من خلال هذا الشخص نظرات مش طبيعية
ويحاول بقدر الإمكان يكلمني
لكن أخذت الموضووع بحسن نية
وحاولت إن أبعد علشان ما أسبب المشاكل
وبالطبع خطيبي كان على الخط
وكنت أقوله عن كل شي
بمجرد ما هالشخص قوت علاقته مع صديقتي وحبته
بدت تتغير علي
وأجهل الأسباب
و كانت تقول لي فلان " اللي هو الشاب اللي يحادثها" هل يتصل فيج ؟
طبعا وضحت لها إن ما في شي بينا أصلا ليش يحاجيني !
قالت هو دابم يتحجى عنج ويمدح فيج
و لما يجي الجامعة يسأل عنج دوووم
آنا استغربت الأمر وكأن اجساسي بدا يصدق في هالشخص
مرت الأيااام
وتفاجئت بمكالمة منه
يطلبي فيها بموضووع مهم
بدى بمقدمات طوويلة وعريضة
وبعدها
الصدمة هنا كانت إنه يحبني وهو يعلم إني مخطووووبة !!!
ويقول إن صديقتي ما تناسبه أبدا
عكسه في كل شي
و هو عاجبه كل شي فيني
و وده يتزوج وحدة مثلي بالضبط
ومن هالكلام
عصبت بشكل كبييير
وهددته وانهيت المكالمة
بديت أحذر صديقتي منه
وأحاول قدر الإمكان أخليها تتبعد
لكني ما قلت لها عن المكالمة اللي صارت بيني وبينه !!
لكنها خلاص حبته ولا عادت راضية تتركه
صديقتي هذي فيها ميزة الغيرة والشك من كل شي حولها
بسبب ظروف أسرية تتعيشها
و أزمات في حياتها
تغار من كل شي
و تشك في أي شي
وتطالعني في كل شي
ما بقول تحسدني بس تحط بالها وااايد
وبمجرد ما كان حبيبها يتحجى عني كانت تشك في الأمر
وتتوقع إني معاه في علاقة من وراها !!
رغم إن هي عارفتني وعارفة أخلاقي
وهذا الأمر اللي للحين مب لاقية له تفسير !!
خطيبي بدى ينزعج من كثرة إتصالاتها لي
والمشاكل الكثيرة اللي بدت تصير بينها وبين حبيبها
وتتضل لي تطلب مني المساعدة
و حاول كذا مرة يخليني أقطع علاقتي فيها
إلا اني كنت أرفض أتركها بحكم إني أخاف عليها
وأدري لو تركتها بتضيع
ما أطوول عليكم
صارت أحداث كثيييرة
و صرت في دوووامة
الأهم الشخص هذاك لما تعب طلب من صديقتي إنه يتركها خلاص
لأن ما يشوفها الزوجة المناسبة له !
و هي انصدمت وظلت تترجاني أحاول أقنعه
لكني ما حبيت أكلمه بسبب آخر مكالمة كانت بيني وبينه
الأهم صديقتي ركز في بالها إن الشخص هذا يجبني فعلا
وما تركها إلا لأجلي
و أواخر الأيام ما كنت أعرف وش اللي صار بينهم
ولا عرفت وش اللي خلاها تشك في جذي !!
ولا أدري حبيبها وش قالها بالضبط ؟
وآنا مالي ذنب في الأمر
فلذلك حاولت إنها تدمر حياتي
وتروح تشوش إلى خطيبي إني على علاقة مع حبيبها السابق
وتقول له عني أشيا كثير مغلوطة
إضافة إلى إنها زودت و كذبت بحجي واايد
وصلت فيها الأمور تقول إني كنت أجيب حبيبها لبيتنا
!!!!!!!
وأجلس وياه لوحدناااااااااا! !!
وهي تعرفني زين
و راحت نشرت الموضووع بين صاحباتنا كلهم
وهالشي سبب لي صدمة !!
خطيبي ما صدق علي أبدا
و قرر يتصل بهالشخص
يتفاهم معاااه
اللي بدل ما يكحلها عماها
بكل وقاحة وقلة أدب ونذاااااااااالة قاله
أبووا أحبهااا وكنت أتصل فيها بطلب من صديقتها لحل المشاكل اللي كانت بينااا و لو تبي تطلقتا آنا أخذها
خطيبي ما تحمل هالصدمة
و كبرت المشكلة جداااااااااا
لحد ما اضطريت أخبر الوالد والوالدة
اتصل فبه الوااالد
وجا لبيتنا وجلسنا وتفاهمنا
و تم كل شي خير
واتصل الوالد في حبيب صديقتي و هزئه و هدده وتوعد فيه
و هي انتهت علاقتي فيهااا
الموضووع صار له فترة طوويلة
والحين هي جاية ترجع صداقتنا من جديد
و تقول إنها ندمانة على كل شي
وتعترف إنها ظلمتني وااايد
و تطلب مني أنسى ونفتح صفحة جديدة
آنا مب قادرة أسامحها
ولأ حاسة إني بقدر أرجع صداقتنا أبدا
اللي صار مب شووية
سببت لي مشاكل وحاولت تدمر حياااتي
الخلاصة :
هي ألحين طالبة تقابلني وتشوفني وتكلمني
و توسط الصديقات لأجل يحاولوا يخلوني أرجع لها
انتووا وش تشورون علي ؟
وش راااااايكم
أقبل وأرجع كل شي ؟
رغم إني من داخلي مش قادرة أسامحها أبدااا
و خصوصا إنها و زود على كل شي
كذبت في أمور وايد
وشوهت سمعتي بين وايد ناس
والمشكلة اللي صارت أثرت فيني كثيييييير
و سببت لي تاثير بدراستي وبين أهلي ومع خطيبي
؟؟!
أسعد بآرائكم أعزائي
ودي
__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )