عزيزتي صابرة

معليه على المداخلة ، بس حسيت فهمتي كلام الأخت ذكريات لا تغيب
إنك تطلبي من زوجك شئ مادي أو سفر و كذا

بس اللي فهمته من كلامها ، الجزء الثاني إنك تركزي عليه

----------------------------------------

عزيزتي صابرة بدنيتي

أنا بأرد عليك و راح أعتبر إنه زوجك ما بيقرأ الرد حتى أخذ راحتي في الرد عليك

- لا تجلسي تتكلمي عن الماضي ، مهما كان جرحك و ألمك و مهما كان اللي حصل لك نتيجة له
لإنه الرجل ما راح يفهم الشئ هذا أبدا ، الرجل ينظر لها بمفهوم اخر

إنت بكلامك هذا ، راح تزيدي الفجوة اللي بينك و بين زوجك و راح تخليه يبعد عنك أكثر
لإنه الرجل بشكل عام ، يكره ( اللوم ، العتاب ، الإنتقاد ، النكد ... إلخ )

إنت صحيح تفضفضي ، بس زوجك يوم يقرا كلامك ..
بيقول ، خليني أبعد عنها كمان ، دام إنها لسى بتتذمر و تتشكى و تتألم وووو إلخ

هو ما راح يشووف الجزء الثاني من كلامك ، إنك تحبيه و تغليه ووووو إلخ
لإنها ما راح تعني له شئ ، إن كان معها ( لوم و عتاب )

و لا تنسي إنه ( كثرة الدق ، تفك اللحام )


افتحي صفحة جديدة ، تعلمي إنك ( تنسي ، تسامحي ، تعالجي نفسك بنفسك )
إنت مازلتي مثل ما إنت ، ما تغيرتي .. الفرق :
إنك صرتي خايفة من الإنفصال

و بطريقتك هذه ، راح تخلي الفاس يوقع في الراس لا سمح الله

الرجال يتزوج عشان يلقى ( الحب ، الحنان ، التسامح ، الراحة ... إلخ )

تبغي تعيشي معاه ، لا تستني منه شئ ..
عيشي حياتك بثقة ..

----------------------------

دام إنه زوجك سافر و إنت كنت بعيدة عنه ، و العلاقة بينكم مشوشة نوعا ما ..
و ما كلمتيه غير من أسبوع ، اخر مرة ..

فإنت في مرحلة حاليا ، إنك تعتبري زوجك ( وجوده ، مثل غيابه )
مع احترامي لزوجك الفاضل ..
بس كلامي ، لراحة الطرفين بإذن الله ..

زوجك يكره القيود ، زوجك يكره اللوم ، زوجك يكره الإنتقاد ، زوجك يكره المرأة اللي تلاحقه ..
هذا هو زوجك ..

و كلها إنت بتعمليها ، و علشان تبتعدي عن الصفات هذه ..
فلازم تنشغلي بشئ مع نفسك ، لا تخليه محور حياتك ..

زوجك يحب المرأة الغامضة ، يبغى منك ( حنان و حب و تسامح ) من غير مقاااااااااااااااااااااااااااااااااااابل

أنا برأيي ، إنك تستمري في البعد عنه ..
لحد ما تنشغلي مع حالك ، و حاولي تعملي علاقات مع زميلات ..
تواصلي مع أخوات ثانيين ، و سجلي في دورات .. و يوم ترجعي له ، ترجعي له بشكل اخر
و بشخصية واثقة و متفائلة ..

هو جرحك و ألمك ووو إلخ

مافي رجال ، ما جرح زوجته .. إلا ما ندر ..
يعني أنسي ، تعلمي النسيااااااااااااااااااااااااااااااااااااااااااااا اااااااااان ..

و لا تزعلي من كلامي يا صابرة ..
إنت كمان في فترة من الفترات ، جرحتيه و اعترفتي بغلطك و هو رجع لك
فلا تخليه يندم لا سمح الله ، بإنه رجعك ..

هو رجعك ، و إنت وعدتيه بالتغيير للأفضل و الأعضاء و العضوات ترجوه من أجلك

خليك المرة هذه أقوى ،، و لا تكشفي كل أوراقك لزوجك
خليك ( غامضة ، متجددة ، واثقة ... إلخ )

الرجال ، لو زوجته ملكة جمال .. و تنكد عليه حياته .. بيكرهها
ما تشوفي هناك رجال متزوجين من حريم ( غير جميلات ) ، لكن يموت عليها ؟؟؟
لإنه روحها حلوة .. و لإنه لقي الحب و الدلع و الإهتمام

أدري إنك مو مقصرة معاه في الحب و الإهتمام
لكن بالمقابل ، بتمسحيها بعصبيتك و الإنتقاد ووو إلخ

زوجك كذا و ما يتغير ، لازم تتقبليه بكل اللي فيه