سودد..حبيبتي استهدي بالله..ورددّي قدّر الله وماشاء فعل والحمدلله على كل حال.
سودد اسمعيني كويس البني آدم علمه محدود سبحان الله ولايعلم الغيب الاّ هو سبحانه وتعالى..ولو علمتم الغيب لاخترتم الواقع..شوفي بإذن الله انها تكون خيرة لك وبداية فرج..حتقولي كيف..يمكن تحتاجي للتنظيفات لازالة التليف البسيط وذلك يجدّد بطانة الرحم ويجعل فرصة الحمل كويسة بإذن الله..لاتحزني أخية..يارب ياالله يفرج همك ويبدلك بفرح وسرور يملئوا قلبك.
صدقيني هيك احسن انك تتعالجي قبل الحمل وقصة التليف بتصير مع كتيييييير نساء وبتعالجوا منها..في ناس حالتهم اسوأ من هيك..بتصدقي حضرت عالتلفاز برنامج يحكي قصة امرأة امريكية صغيرة بالسن وعندها ولد وحملت بالثاني..كانت كتير مبسوطة...في امريكا بالعادة بيعملوا مسحة لعنق الرحم في الاسابيع الاولى من الحمل...بتعرفي لما اتصلت في الدكتورة شو قالتلها..قالتلها عندك سرطان عنق الرحم(اللهم عافينا واعف عنّا يارب)..وخيّرتها الدكتورة انها تنزّل البيبي او لا..فإختارت لالا..وطول اسابيع الحمل في صراع نفسي لانها اجّلت العلاج الكيماوي..لانه مابصير أثناء الحمل..وولدوها قبل موعدها بشهر بعملية وحطوا البيبي في الخداج وكمّلوا العملية بإزالة الرحم لديها...
حبيت انقلك القصة لنقول جميعاً الحمدلله لسّا إحنا أحسن من غيرنا...انا
حاسة فيك ياسودد ..بإذن الله حتتعالجي وتحملي..الله يهدّي باللك يارب.
والله يخليك طمنينا عنّك.
__________________
{اللهم أكرم اخواتي الغاليات عاشقات الامومة بالذرية المباركة والطيبة قريباً يارب}