طيب حتى لو انا عندي سلبيات ليه يقارني باختي وماهو بس باختي حتى ببنات عمي وعماتي يقول هم احسن منك في كل شي وانت ماحد يحبك ولا حد بيتزوجك. انا ماحب طريقه المقارنه وحط من قدري. اذا هو يحبني ويبغى مصلحتي ليه يعاملني بذي الطريقه. ومستحيل اقدر اقدم له هديه لاني مااشعر اتجاهه بالحب والحنان لانه مااذكر انه مره اعطاني العطف والحنان. وانا جربت كم مره اهديه ما يهتم بهدايا حقتي ولا تعجبه ياخذها ويحطها علجنب. وكمان لما اساوي اي شي له يكون عمل تعبانه عليه ما يقول لي شكرا ولا يمدح العمل يلي سويته بس يطلع فيه اي عيب ويقول لا هذا ماعرفتي تساويه زين وانت ما تعرفي تساوي اختك احسن منك وافهم منك. وانا ماهي حساسه لاني لو كنت حساسه كان من زمان تحطمت وانهارت نفسيتي. ولو وحده ثانيه غيري كانت تركت لهم البيت من زمان. بس انا صابره ومتحمله وماسكه نفسي. وما اذكر اني بكيت الا مره وحده تكلم معي ابوي كلام قاسي جدا خلاني ابكي اربع ساعات وكنت بموت من القهر. احس قلبه قاسي اكثر من الحجر.