مرحبا
مانقدر نلوم بنات هالأيام ونقول هم السبب الأكبر!! لأن فيه بنات ما شاالله عليهم سنعات ومتحملين مسؤوليه
بس أزواجهم ما قدروهم ولا قدروا الحياه الزوجيه .. خيانات .. وقل احترام .. وبخل .. و معامله سيئه والخافي أعظم
من حشيش ومخدرات والعياذ بالله .. بس الحمدلله ربي عوض هالبنات بالرجاجيل اللي يستاهلونهم ...

ولا نقدر نلوم الزمن مثل ما قلت أخوي لأن الناس والنفوس هي اللي تغيرت .. معاد فيه صبر وطولة بال بالاضافة
إن الماديات هي اللي طغت .. ونسينا وتناسينا التعامل والاحترام والخلق الحسن والموده والاستقرار ....
وللأسف ياكثر الرجاجيل اللي يستسهلون الطلاق .. عند أي مشكله أو خلاف على طول يطلق
كأنه يبي كومبيوتر مو بني آدمه ولا عنده استعداد إنه يقدم أي شي .. بس يبي وحده تطبخ وتنظف وتغسل
وتربي العيال وإن حكت ولا شكت قلعها بيت اهلها !!

أنا مع الرأي اللي يقول إن الرجل يقع عليه عاتق كبير في تحمل مسؤولية الطلاق لأن العصمه في يده
والمفروض يحاول تقويم زوجته لو لقى منها تقصير يحاول ويحاول ويحاول وآخر شي إذا استحالة الحياه وقتها
يطلق ويغني الله كلٍ من سعته .. يعني زي ما يقولون آخر العلاج الكي، لكن بعض شباب هاليومين عند أول مشكله
بينهم راح وطلق !!
وفيه سبب مهم بعد لتعقيد الحياه بين أي زوجين واللي قد يؤدي للطلاق .. وهو تدخل الأهل .. سواء اهله ولا أهلها
المفروض مشاكلهم يحلونها بينهم ولا يسمحون لأي أحد يتدخل بينهم ولا يحكون أي شي من خصوصياتهم حتى لأقرب قريب

الله يرحم زمان أول بس
شكرا على موضوعك الجميل أخوي
تحياتي لك،،،

__________________
لا اله الا انت سبحانك اني كنت من الظالمين