السلام عليكم حبيبااااتي

ربي يفرجها على الجميع بحق هذه الساعة المباركة >>>>ياذن المغرب ..

ربي يقلب هم كل وحدة الى فرح .. و يسر قلبها بالحمل السليم و الذرية الصالحة ...

حبيباااتي ليش الكاابة .. لا تتطلعوا على النص الفاضي من الكوب

الحمدلله الصحة موجودة هذه اكبر نعمة .. و الحمدلله ازواجكم بجانبكم ربي يديمها نعمة

فالحمل باذن الله جاي .. كلها مسالة وقت ..

و على ما يحصل ... استفلوا الوقت .. بعييييييييييييييدا عن الهم و الحزن لانه ماراح يقدم و لا ياخر

املو حياتكم و اوقات فراغكم .. بكورس او بهواية او حتى بالنووووم نصيحتي الدايمة لكل عروس

ناااااامي .. لانه بكرة بتحملي و يضيع النوم مع تعب الوحم و تعب الحمل و بعدين مع البيبي و سهره و الرضاعة

الخ الخ الخ .. و على ما تنسي تعب البيبي الاول و تبدأي تنامي .. تكوني حملتي بالثاني و تنعاااااد نفس القصة

فا نامو و اتهنوا مع ازواجكم و ساافروا و اتمشوا و اطلعوا ...

صدقوني قبل حملي .. كنت وزوجي احيانا ننجن نكون رايحين نتبضع فجأة تطلع برووسنا نسافر بالسيارة

و فعلا نسافر مسافات طويلة و نستمتع ... بعدين جبت يوسفي ... ولو حابين نطلع

ياربي حتى لو بس حابين نطلع 5 دقايق نشم هواء .. لازم اجهز الشنطة من غيارات و حفاظات

و مناديل جافة و رطبة .. و حليب و تسالي .. و عصير و زباادي (( احتياطا للفضايح )

اطلع بشنطة سفر .. لما كرهت الطلوع و الخرجات من بعد التجهييز

فا عشان كدا استغلوا الوقت من الان رفهوا عن انفسكم و قضوا اجمل الاوقات

و لا تنسوا الليالي الرومانسية لانها برضو بتطير بعدين ..


حبيباااتي نقظة كمان حابة اذكرها .. موضوع السؤال عن الحمل ..

تدروا ليش الناس تكرر السؤال ... انتو السبب.. لانه طريقة ردكم فيها انكسار

يعني حتى اذا قلتوا لسه بدري بتقولوها بنبرة حزن تبين مدى رغبتكم بالموضوع

و الناس احب ما عليها تشوف هذه النظرة .. فا تلاقيها تزن و تحن ..

و تروح الوحدة منهم للثانية تقولها شفتي فلاانة يااحرام تبغى اطفال

تجي الثانية تقول لها لااا يا شيخة . استني بروح اسال و اتاكد


عشان كدا لازم طريقة الرد تكون اما مغلفة بسخرية او بقوة شخصية ..

اللي تسال قولوا لها ... ياااشيخة لسه بدري خليني اتمتع بشبابي لاحقة على تغيير الحفايض

و لا قولي لها زووجي مأجل الموضوع يبي يستمتع فيني وحده اطول وقت ممكن >>>>هذه قاااتلة ابصم لكم ماعاد بتسال مرة ثانية ...

ولا تقولي لها .. لا انا عاملة حل ... هذه برضو تسكتهم

طولت عليكم .. معليش .. بس مش حابة اشوف الكاابة .. عيشو الدنيا .. بفرح و سعادة
الحياة قصيرة و ما تستاهل نضيع اوقاتنا بالهم و التفكير ..


اخيير حابة اقولكم .. اللي مو حااابة الشكل الجديد للمنتدى ..ببلغ عنها

لا امزح .. في اختياار تحت اخر الصفحة .. تقدروا من خلالها ترجعوا للستايل الوردي القديم

فقط اختاروا اختيار default

بوووووسسساتي لكم جميييعا

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله