ياأختي حرام عليك ليش هالكلام الجارح الحرمه إللي فيها مكفيها مايصير تقولي كذا هاذي حرمه مسلمه وأخت لنا في الله
كان دعيتي لها أفضل من هاذا الكلام كتبتيه والله إن دلوعه حرمة طيبه وعلى قد نياتها وماعمري شفت لها مشاركه جرحت أحد فيها ليش هاذي القسوه عليها هي وش ذنبها إذا الله أبتلاها في زوجها ونفسها ليش هي لوتدري بالمرض إللي فيه من أول ماجا من السفر كان ماخلته يلمسها من أساسه وش تسوي تحاربه وتضاربه علشان مايسافريا أختي هاذا رجل والرجل كيفه كيف نفسه
بعضهم الواحد مايفكر في زوجته صاحت بكت ماهمه إلا نفسه وبس أهم شئ يسافر وينبسط وماعليه من زوجته وغيرها وش تسوي تخرب بيتها علشان سفرته وبعدين هو مو أول رجل يسافر ولا آخر واحد
الجوازات فاتحه والمطارات فاتحه والتذاكر موجوده المفروض إللي متزوج ويسافر بدون عائله للخارج المفروض
بعد رجعته يحجزونه بالمطار لمدة أسبوع وياخذوا منه تحاليل وبعد ماتطلع النتائج لوكان سليم يروح بيته وإن كان به مرض يستدعون زوجته وأهلها وأهله ويخبروهم عن مرضه أخ بس لو أنا بمجلس الشورى كان قدمت هلإقتراح وأصوت عليه علشان يتنفذ ونشوف بعدها كم زوج بيسافر أرجوك ياأختي فكري بحال أختنا لدقائق وشوفي هي وش ذنبها ولاتتسرعي بالرد أنا عارفه إن من حرتك وقهرك عليها رديتي بهاذي الطريقه أختنا دلوعه مجروحه ومريضه وتحتاج وقفتنا ودعائنا لها ماهي بحاجة لوم وعتاب نسأل الله لها الشفاء من ما أصابها هي وأبو عيالها والله يحفظهم من كل مرض ويبعد عنهم كل مكروه
ويخليهم لعايلهم مافيه شئ صعب على رب العباد ربنا كريم قادر أن يشفيهم ويرحم حالهم من كل هم وغم إن شاء الله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله